Foto: «Jolaýshylar tasymaly» AQ
«Jolaýshylar tasymaly» AQ baspasóz qyzmeti áıelderge arnalǵan vagondarmen júretin poıyzdar tizimin usyndy. Olar:
- №354/353 «Astana - Semeı»,
- №24/23 «Aqtóbe - Almaty»,
- №25/26 «Almaty - Shymkent»,
- №77/78 «Almaty - Mańǵystaý»,
- №351/352 «Almaty - О́skemen»,
- №45/46 «Pavlodar - Túrkistan»,
- №37/38 «Mańǵystaý - Semeı»,
- №47/48 «Atyraý - Astana»,
- №33/34 «Aqtóbe - Almaty-1»,
- №4/3 «Astana - Almaty-2»,
- №71/72 «Astana - Shymkent».
Bul vagondar alǵash ret 2021 jyly áıelderdiń jol júrý kezinde jaılylyǵyn arttyrý maqsatynda engizilgen bolatyn. Mundaı vagondardaǵy bıletterdiń baǵasy qarapaıym vagondardaǵy bıletterden erekshelenbeıdi. Alaıda áıelderge arnalǵan vagondarǵa bıletter tek áıelderge satylady jáne olarmen birge jeti jasqa deıingi ul balalar ǵana saıahattaı alady. Bul vagondarda tek áıel jolserikter jumys isteıdi.
Qyzmet iske qosylǵan sátten bastap, áıelderge arnalǵan vagondarǵa shamamen 342 myń áıel bılet satyp alǵan.
Áıelderge arnalǵan vagondary bar poıyzdardyń jańa baǵyttaryna bıletterdi bilet.railways.kz saıtynda jáne temirjol vokzaldaryndaǵy «Jolaýshylar tasymaly» AQ kassalarynda satyp alýǵa bolady. Bıletter bolmaǵan jaǵdaıda jolaýshylar aqysyz negizde «Kútý paraǵy» qyzmetin paıdalana alady.
