Foto: FK "Real Madrıd"
Kelisimshartqa qol qoıý rásimi búgin «Santıago Bernabeý» stadıonynyń baspasóz ortalyǵynda ótken. Klýb prezıdenti Florentın Peres 25 jastaǵy shabýylshyǵa 9-nómirli jeıde syılaǵan.
Jergilikti ýaqyt boıynsha túste Mbappe Real Madrıdtiń úı stadıony Santıago Bernabeýde Real Madrıd oıynshysy retinde tanystyrylǵan.
Fransýzdyq shabýylshy «Parı Sen-Jermenmen» kelisimsharty aıaqtalǵannan keıin erkin agent retinde madrıdtik komandaǵa qosylǵan. «Real» maýsymnyń basynda onyń aýysýy týraly jarııalaǵan edi. Parıj klýbynda oınaǵan 7 jyl ishinde ol 308 match ótkizip, 256 gol soǵyp, 108 nátıjeli pas bergen.
Kılıan Mbappe 2017 jyldan beri PSJ sapynda oınady.
Aıta keterligi, 25 jastaǵy Mbappe osy maýsymda 48 matchta 44 gol soqqan.
Eske sala keteıik, «Real Madrıd» ótken maýsymda Chempıondar lıgasyn, chempıondyq jáne Ispanııa sýperkýbogin jeńip alǵan bolatyn.
