foto: gov.kz
Tazalyq is-sharasy Munaıly aýdanynyń Atameken aýly mańyndaǵy «О́li kól» polıgonynda ótti. Is-sharaǵa 10-ǵa jýyq tehnıka jumyldyrylyp, 150-ge jýyq jas qatysty. Nátıjesinde, Munaıly aýdanynan 45 tonnaǵa jýyq qoqys shyǵaryldy. Senbilik aptalyǵy tek munymen shektelip qalmaı, apta boıy ár orynda jalǵasyn tabady.
«Taza Qazaqstan» aksııasy aıasynda kóktemde búkil ujym, kásiporyndar aýyl, qala ishi, teńiz jaǵalaýynan bastap, shalǵaıdaǵy tarıhı-mádenı eskertkishterge deıin nazardan tys qaldyrmaı tazalyq jumysyn júrgizdi. О́kinishtisi, arada kóp ýaqyt ótpeı-aq esil eńbektiń zaıa ketkenin baıqadyq. Aqtaý qalasyndaǵy Kaspıı teńizi jaǵalaýynda qaıtadan sýsynnan bosaǵan plastık, qalbyr, shyny ydystar, temeki, balmuzdaq qoraptary, tipti aıaqkıimder men ózge de neshe túrli qoqystan kóz tundy. «О́li kól» polıgonynda júrgizilgen senbilikte mańaıdyń az ýaqytta qaıtadan qaldyqqa bógip qalǵanyn baıqap jaǵamyzdy ustadyq. Bas-aıaǵy eki-úsh aıda adam aıtsa nanǵysyz kólemde qaıtadan qoqys basyp qalypty. Nege bulaı? Turǵyndardyń bul áreketi – esh aqtaýǵa kelmeıtin is. Mundaı jaýapsyzdyqty, tipti qorshaǵan ortaǵa degen qatygezdikti qalaı toqtatýǵa bolady? Atalǵan aksııa, senbilikter uıymdastyrylmasa, áp-sátte ókpesi qabyna qoqyspen demalatyn elge aınalyp shyǵa kelgendeı ekenbiz. Qaıtpek kerek?
Mańǵystaý oblysy
