Elordada osy maqsattaǵy JOLTAP jobasy jalǵasyp jatyr. Bastama myńdaǵan astanalyqqa eńbek naryǵynda suranysqa ıe mamandyqtardy tegin meńgerýge, jumys tabýǵa jáne tabysyn arttyrýǵa múmkindik berdi. Joba túlekteriniń biri, kópbalaly ana – Baljan Ońǵarbaeva.
JOLTAP-pen joba bastaǵandar kóp: Elordalyq turǵyn óz tabysyn qalaı arttyrdy?
39 jastaǵy Baljan buǵan deıin kásipkerlikpen aınalysyp kórmegen. Astanalyq ótken jyly tamyz aıynda onlaın-saýda kýrsyn oqyp, óziniń Kaspi-dúkenin iske qosty. JOLTAP jobasy týraly ol tanysynan estip, birden «Kaspi-dúkendegi saýda» baǵytyna jazylǵan.
Túlektiń aıtýynsha, oqý barysynda tek teorııalyq bilim ǵana emes, sonymen qatar qazir qoldanyp júrgen praktıkalyq daǵdylardy meńgergen.
«Kýrsta sapaly bilim aldym. Baǵdarlamaǵa saı, aqparatpen qanyqtym. Kún saıyn tapsyrmalar da berildi. Sonyń áserinen Kaspi-dúkenmen qalaı jumys isteý keregin, taýarǵa tapsyrys berý, tabysty durys esepteý jáne taýarlardy taldaý joldaryn egjeı-tegjeıli túsine bastadym», dedi Baljan Ońǵarbaeva.
Oqý barysynda ol onlaın-saýdanyń qyr-syryn meńgerip, kóp uzamaı satylymdy bastap ketken.
«JOLTAP» - eńbekke jol ashqan múmkindik
«Bizge tek sapaly taýarlardy satýǵa keńes berildi, men osy qaǵıdany ustanamyn. Sebebi Kaspi-dúkende joǵary reıtıngti saqtaý óte mańyzdy. Satyp alýshylar eń aldymen reıtıngke nazar aýdarady. Qazirgi zamanda suranysqa ıe daǵdylardy úırený árdaıym mańyzdy. Bolashaqta JOLTAP baǵdarlamasynyń kýrstaryna ulym men qyzymdy da jazdyrǵym keledi», dedi astanalyq kásipker.
