Atyraý oblystyq bilim basqarmasynyń baspasóz qyzmeti bul derekti rastady.
«Oblystyq polısııa departamentinen 2 aqpany kúni Mahambet aýdanynyń ákimdigine shuǵyl sharalar qabyldaý jónindegi usynys hat tústi. Hatta kúdiktiniń kámelettik jasqa tolmaǵan 5 balasyn qaýipsiz jerge, ıaǵnı memleket qorǵaýyna alý jóninde kórsetilgen. Osyǵan baılanysty Mahambet aýdany ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń sheshimimen kámeletke tolmaǵan balalardyń úsheýi bilim berý basqarmasynyń kámeletke tolmaǵandardy beıimdeý ortalyǵyna, 3 jáne 1 jastaǵy eki sábı densaýlyq saqtaý basqarmasyna qarasty mamandandyrylǵan balalar úıine ýaqytsha ornalastyryldy», dep habarlady basqarmanyń baspasóz qyzmeti.
Eske sala keteıik, budan buryn Atyraý oblysyndaǵy erli-zaıyptynyń ólimine baılanysty kúdiktige izdeý jarııalanǵan edi.
Iz-túzsiz joǵalyp ketken atyraýlyq erli-zaıypty jer qoınyna tapsyryldy
