28 aqpan kúngi málimet boıynsha, birneshe ýchaskede kólik qozǵalysyna qoıylǵan shekteýler alynyp tastalsa, keıbir óńirde jol jabyq.
Senbi kúni tańerteń aýa raıynyń jaqsarýyna baılanysty mańyzdy baǵyttarda kóliktiń barlyq túri úshin jol ashyldy:
Shyǵys Qazaqstan oblysy: Qytaı shekarasynan Maıqapshaǵaıǵa deıingi jol (Abaı oblysy shekarasy – Zaısan qalasy), О́skemen – Rıdder (Beloýsovka – Rıdder), Almaty – О́skemen (Shemonaıha baǵyty) jáne О́skemen – Semeı baǵytyndaǵy ýchaskeler ashyq.
Qyzylorda oblysy: «Samara – Shymkent» tas jolynyń Aral qalasynan «Oazıs» demalys ornyna deıingi jáne Qyzylorda – Besaryq aýyly aralyǵyndaǵy ýchaskelerinde tas jol ashyldy.
Abaı oblysy: Semeı – Qalbataý, Aıagóz – Qalbataý, Semeı – RF shekarasy («Aýyl» beketi) jáne Qaraǵandy – Aıagóz (Barshatas – Boǵas) baǵyttarynda shekteý joq.
Jabyq joldar
Aýa raıynyń qolaısyzdyǵy men tehnıkalyq sebepterge baılanysty birneshe baǵyttaǵy joldar jabyq.
«Qyzylorda – Jezqazǵan» tas jolynyń Qyzylorda qalasynan Jezqazǵanǵa deıingi bóligi (12-424 km) jabyq.
Qordaı asýynyń jańa aınalma jolynda (Kenen – Qaınar aýyldary arasy) qozǵalys toqtatylǵan.
Qaraǵandy – Aıagóz jolynyń Qaraǵandy oblysy shekarasynan Barshatas aýylyna deıingi bóligi áli de jabyq.
Qalqaman aıryǵyndaǵy kópirdiń zaqymdalýyna baılanysty Astana – Pavlodar baǵytyndaǵy Qalqaman kentine kireberis pen shyǵys bóligindegi jol jabyq.
Shyǵys Qazaqstan oblysyndaǵy Osınov asýynda (46-66 km) qysqy kezeńdegi qolaısyzdyqtarǵa baılanysty tirkemesi jáne jartylaı tirkemesi bar júk kólikteri úshin qozǵalysqa tyıym salynǵan.
