Foto: t.me/consot_kz
Ortalyq mamandary jelide taraǵan jalǵan málimdemelerdi jobanyń resmı mátinimen jáne memlekettik organdardyń túsindirmelerimen salystyryp shyqty.
«Konstıtýsııa Prezıdenttiń ókilettikterin kúsheıtedi»
Bul qujattyń mazmunyna sáıkes kelmeıdi.
Joba tejemelik ári tepe-teńdik júıesin bekitedi. Negizgi kadrlyq sheshimder - Vıse-prezıdentti, Premer-mınıstrdi, Konstıtýsııalyq Sot sýdıalaryn, Ortalyq saılaý komıssııasy men Joǵary aýdıtorlyq palata múshelerin taǵaıyndaý - Quryltaıdyń kelisimimen júzege asyrylady.
Sonymen qatar, Prezıdenttiń qaıta saılaný quqyǵynsyz bir rettik jeti jyldyq ókilettik merzimi saqtalady.
Mundaı qurylym «sýperprezıdenttik» modelge emes, prezıdenttik respýblıkaǵa tán.
Qorytyndy: Feık
«Sheteldikterge jer satýǵa qoıylǵan tyıym alynyp tastalady»
Joba mátininde shetel azamattaryna jer satýǵa ruqsat beretin normalar joq.
8-baptyń 3-tarmaǵynda:
«Jer jáne onyń qoınaýy, sýlar, ósimdikter men janýarlar dúnıesi, ózge de tabıǵı resýrstar halyqqa tıesili. Halyq atynan menshik quqyǵyn memleket júzege asyrady. Jer zańda belgilengen negizderde, sharttar men shekterde jeke menshikte de bolýy múmkin» dep bekitilgen.
Qorytyndy: Feık
«Tegin medısına joıylady»
Joba medısınalyq kómektiń óteýsiz sıpatyn saqtaıdy.
32-baptyń 2-tarmaǵyna sáıkes:
«Qazaqstan Respýblıkasynyń azamattary zańda belgilengen, ózderi tólemeıtin medısınalyq kómekti alýǵa quqyly».
Bul jerde másele tegin medısınany joıýda emes, atalǵan quqyqty iske asyrý tetigin zańnamalyq turǵydan naqtylaýda bolyp otyr.
Qorytyndy: Manıpýlıasııa
«Tegin bilim berý joıylady»
Bul da joba mátinine sáıkes kelmeıdi.
Shyn máninde, memlekettik oqý oryndarynda orta bilim berýdiń óteýsiz sıpatyna Konstıtýsııa kepildik beredi. Sondaı-aq, joǵary oqý oryndarynda tegin joǵary bilim alý quqyǵy bekitiledi (33-bap).
Konstıtýsııalyq reforma jónindegi komıssııanyń 9-otyrysynda Premer-Mınıstrdiń orynbasary - Mádenıet jáne aqparat mınıstri Aıda Balaeva:
«Eshkim medısınalyq kómek pen bilim alý quqyǵynan aıyrylmaıdy... «Tegin» degen uǵym quqyqtyq turǵydan naqtyraq «azamattar aqy tólemeı, zańda belgilengen tártippen medısınalyq kómek alýǵa quqyly» degen tujyrymdamamen almasty», dep atap ótti.
Qorytyndy: Manıpýlıasııa
Semeıde Jańa Konstıtýsııa týraly jalǵan aqparat taratqan turǵyn jazalandy
«Jyl saıynǵy aqyly demalystar joıylady»
Bul - qate paıym.
Konstıtýsııa jobasynyń 27-baby demalý quqyǵyna kepildik beredi. Al jyl saıynǵy aqyly demalystyń naqty uzaqtyǵy men sharttary Eńbek kodeksimen aıqyndalady.
Konstıtýsııalyq norma prınsıpti bekitedi, al egjeı-tegjeıi salalyq zańnamamen retteledi.
Jańa Konstıtýsııa týraly jalǵan aqparat taratqan azamat jazalandy
