Foto: Ashyq derekkóz
Senatorlardyń pikirinshe, kólik júrgizý quqyǵynan aıyrylǵan júrgizýshilerdiń amnıstııaǵa iligý múmkindigi bar. Degenmen keıbireýleri buǵan qarsy. Máselen, Senat depýtaty Marat Qojaev bul ıdeıany qoldamaıtynyn atap ótti.
«Múmkin, bilmeımin. Bul talqylanyp jatqan taqyryp. Men jeke bul jaǵdaıdy qoldamaımyn, ondaı bastama kótermeımin. Biraq Parlamentte sheshim kóbine daýys berý arqyly qabyldanady», dedi ol.
Prezıdenttiń sońǵy málimdemesine sáıkes, el tarıhynda birinshi ret ákimshilik amnıstııa osy jyly ótýi tıis. Degenmen IIM ázirge egjeı-tegjeıli aqparat bermeı otyr. Polısııa men Bas prokýratýraǵa kimniń amnıstııaǵa iligetinin anyqtaý úshin 2 apta ýaqyt berilgen, al sońǵy sheshimdi Parlament qabyldaıdy.
Senator Marat Qojaevtyń aıtýynsha, qazirgi ýaqytta bul taqyryp boıynsha pikir aıtý áli erte, sebebi erte jarııalanǵan aqparat qate úmitter men jańsaq túsinikter týdyrýy múmkin.
Avtokólikter azaıýy qajet: Ekologtar almatylyqtarǵa úndeý jasady
