foto: senate.parlam.kz
B.Qanıev oblystyń turaqty damýyn qamtamasyz etý jáne turǵyndardyń ómir súrý sapasyn arttyrýda bıliktiń barlyq deńgeıleri arasyndaǵy úılestirilgen is-qımyldyń mańyzdylyǵyn atap ótti. Senator kezdesýler barysynda ınfraqurylym men turǵyn úı-kommýnaldyq sharýashylyqty jaqsartý, sondaı-aq shaǵyn jáne orta bıznesti qoldaýdyń memlekettik baǵdarlamalaryn iske asyrý máselelerine basa nazar aýdardy.
Aqtóbe oblysynyń ákimimen kezdesý kezinde aǵymdaǵy isterdiń jaı-kúıi jáne sý tasqynynyń saldaryn joıý jóninde qabyldanyp jatqan sharalar talqylandy. Qorǵanys qurylystaryn nyǵaıtý, zalal kelgen nysandardy qaıta qalpyna keltirý jáne zardap shekken azamattarǵa kómek kórsetý jospary týraly da sóz boldy. Osy maqsattarǵa bólingen resýrstardy ýaqtyly jáne tıimdi bólý qajettigi atap ótildi. Jylytý maýsymyna daıyndyq máselesi de qozǵaldy. Otynmen úzdiksiz jabdyqtaýdy qamtamasyz etý jáne jylý energetıkasy obektilerin kútip-baptaý jumystaryn júrgizý sharalary qaraldy.
B.Qanıev oblystyń Muǵaljar jáne Temir aýdandarynda da boldy. Depýtat Muǵaljar aýdanyndaǵy Qandyaǵash qalasynda 600 oryndyq eki jańa mekteptiń, sondaı-aq Shubarqudyq aýlyndaǵy murajaı men muraǵattyń jańa ǵımaratynyń salyný barysymen tanysty. Temir aýdanynyń ortalyǵyndaǵy birqatar kóshege asfalt tóseý jumystaryna kýá boldy. Senator merdiger kompanııalardyń ókilderine qurylys jumystarynyń qarqynyn jedeldetý týraly usynys aıtty.
