Foto: vıdeodan skrın
Qarjy monıtorıngi agenttiginiń málimetinshe «Lada Largus» markaly jeńil avtokólikti tekserý kezinde 1991 jyly týǵan azamattan jasyl paketke oralǵan kúdikti zat tabylǵan. Tekserý kezinde kúdikti qyzmetkerdiń qolynan paketti julyp alyp, ony jutyp qoıǵan.
Budan soń qyzmetkerler azamatty ortalyq aýdandyq aýrýhanaǵa jetkizip, asqazanyna kompıýterlik tomografııa jasatqan. Onyń asqazanynan tabylǵan bógde zat salmaǵy 1,26 gramm bolatyn psıhotroptyq metamfetamın gıdrohlorıdi bolyp shyqty.
«Qazir ustalǵan adam ÝUI-ǵa qamaldy. Esirtki zattaryn saqtaý faktisi boıynsha sotqa deıingi tergeý júrip jatyr. QR QPK-niń 201-baby boıynsha ózge aqparat tergeý múddesine sáıkes jarııalanbaıdy», delingen agenttik taratqan aqparatta.
