Basqosýda alǵash bolyp sóz alǵan komıtet tóraǵasy Sábıt Nurlybaı bıyl vedomstvo qyzmeti memlekettik quqyqtyq statıstıka men arnaıy esepke alýdyń durystyǵyn qamtamasyz etýge, Memleket basshysy Qasym-Jomart Toqaev pen Bas prokýror Berik Asylovtyń tapsyrmalaryn oryndaýǵa baǵyttalǵanyn atap ótti. Sondaı-aq jıynda komıtettiń qadaǵalaý qyzmetiniń nátıjeleri, sıfrlyq jobalardy iske asyrý máselesi talqylandy.
– Jyl basynan beri qadaǵalaý ókilettikteri memlekettik quqyqtyq statıstıka men arnaıy esepke alýdyń durystyǵyn barynsha qamtamasyz etti. Baqylaý-qadaǵalaý qyzmeti sheńberinde 1,9 myńnan astam prokýrorlyq qadaǵalaý aktisi engizildi, olar boıynsha 6 myń laýazymdy tulǵa jaýapkershilikke tartyldy. Azamattarǵa 3 mıllıonan astam memlekettik qyzmet kórsetildi. Ashyp aıtsaq, 2 016 – muraǵattar boıynsha, 2 905 315 – sottylyǵy týraly, 230 246 – sybaılas jemqorlyq quqyq buzýshylyq týraly anyqtama, 19 288 qujattarǵa apostıl qoıyldy, – dedi ol.
Jalpy, birinshi jartyjyldyqta eldegi qylmys 72-den 68 myń qylmystyq quqyq buzýshylyqqa deıin tómendepti. Oǵan qosa komıtet jetekshiligimen jol qaýipsizdigi deńgeıin arttyrýdy qamtamasyz etý jónindegi vedomstvoaralyq jumys toby (VAJT) qyzmetin jalǵastyrdy. VAJT sheńberinde trassalyq medısınalyq-qutqarý pýnktterin ornalastyrý jáne qaıta ornalastyrý boıynsha oryndardy aıqyndaý ádistemesi ázirlendi. Soǵan sáıkes JKO oryndary men joldardyń apattyq qaýipti ýchaskeleri apattylyq kartasynda kórsetiledi.
Memleket basshysynyń sıfrlyq jáne ınnovasııalyq tehnologııalardy jańǵyrtý týraly tapsyrmasymen jasandy ıntellekt múmkindigi tek komıtet jumysynda ǵana emes, quqyq qorǵaý jáne basqa da memlekettik organdardyń qyzmetinde de tabysty júzege asyrylyp jatyr. Ásirese tergelip jatqan qylmystyq ister týraly derekterdiń jınaqtalǵan sıfrlyq kólemi negizinde jasandy ıntellekt elementteri kezeń-kezeńimen iske qosylady. Birtindep elektrondyq qylmystyq is sheńberinde tergeýshige belgili bir jaǵdaılarda keńes berip otyratyn ıntellektýaldy kómekshi engizilip jatyr.
Sońǵy jyldary quqyq qorǵaý qyzmetin sıfrlandyrý qarqyny aıtarlyqtaı ósti. Eger 2019 jyly tergelip jatqan elektrondyq qylmystyq isterdiń úlesi 5% ǵana bolsa, qazir bul kórsetkish 95%-ǵa jetti. Sol sııaqty Ákimshilik is júrgizýdiń biryńǵaı tizimi (ÁIBT) elektrondyq formatta júrgiziledi. Bul elektrondyq ákimshilik hattamalar men nusqamalardyń 96%-yn quraıdy.
Qazirgi tańda ÁIBT-de ákimshilik úderisti elektrondyq formatta júrgizý úshin barlyq jaǵdaılar jasalǵan. «Bıznes» TSOBT júıesinde zańsyz tekserýlerden senimdi qorǵalǵan. TSOBT aqparattyq júıesi arqyly bıznes sýbektilerin baqylaýshy organdar tarapynan zańsyz jáne negizsiz tekserýlerden qorǵaý qamtamasyz etiledi.
Komıtet pen onyń aýmaqtyq departamentteriniń qadaǵalaý sharalary nátıjesinde 950 zańsyz tekserýlerdiń joly kesildi. Zań buzýshylyqtar úshin 400-den astam memlekettik organdardyń laýazymdy tulǵalary túrli jaýapkershilikke tartyldy.
Ákimshilik rásimdik-prosestik kodeksti qoldaný tártibiniń ortalyq jáne óńirlik deńgeıde, onyń ishinde kvazımemlekettik sektorda saqtalýyn taldaý jáne baqylaý qamtamasyz etildi. Statıstıkalyq derekterge júrgizilgen taldaý kórsetkendeı, jyl saıyn el halqynyń 10%-y memlekettik organdarǵa júginedi (halyq sany – 20 mln, joldanymdar – 2 091 865). Joldanymdardyń jalpy kóleminiń 64%-y (1,3 mln) ortalyq memlekettik organdarǵa, 36%-y (790 myń) jergilikti atqarýshy organdarǵa túsken.
Azamattar ózderiniń ómirlik máselelerin sheshý úshin ýákiletti organdarǵa jıi júginedi, bul rette taldaýlar men tekserýlerdiń nátıjeleri jekelegen memlekettik organdardyń qyzmetinde júıeli buzýshylyqtardyń bar ekeni baıqalady. Osy salada 3 myńnan astam buzýshylyq anyqtaldy. Búginde prokýrorlyq den qoıý sharalary qabyldanyp, 1,8 myńnan astam laýazymdy tulǵa jaýapkershilikke tartyldy. 3 myńǵa jýyq ótinish berýshiniń quqyqtary qorǵaldy.
– Naqty memlekettik organdar boıynsha qadaǵalaý is-sharalarynyń qorytyndylary Prezıdent kómekshisi E.N.Jıenbaevtyń tóraǵalyǵymen ótken keńesterde turaqty túrde talqylanyp otyrdy. Sonymen qatar Memleket basshysynyń jasandy ıntellektti jedeldetip damytý jónindegi tapsyrmasy sheńberinde komıtet qolda bar tájirıbelik ázirlemelerdi paıdalana otyryp, halyqtyń joldanymdary negizinde Táýekelderdi monıtorıngileý men boljaýdyń taldamalyq quralyn ázirlep jatyr. Memleket basshysy men Bas prokýrordyń tapsyrmalaryn iske asyrý maqsatynda ınvestorlardyń quqyqtaryn qorǵaý jónindegi aqparattyq júıeni jetildirý, salyqtyq tekserýler men ákimshilik quqyq buzýshylyq týraly isterdi taǵaıyndaýdy mindetti elektrondyq kelisý tetikterin engizý jónindegi jumysty jalǵastyra beretin bolamyz, – dedi Bas prokýratýra Quqyqtyq statıstıka jáne arnaıy esepke alý jónindegi komıtetiniń tóraǵasy Sábıt Nurlybaı.
Alqa otyrysy qorytyndysynda Komıtet pen onyń aýmaqtyq organdary qyzmetiniń basym baǵytyna sáıkes memlekettik quqyqtyq statıstıka men arnaıy esepke alýdyń durystyǵyn qamtamasyz etý, azamattar men kásipkerlik sýbektileriniń quqyqtaryn qorǵaý, buǵan qosa Memleket basshysynyń tapsyrmalaryn sapaly oryndaý, onyń ishinde sıfrlyq tehnologııalardy odan ári jetildirý jónindegi naqty mindetterdi belgileý mańyzdy ekeni aıtyldy.
