Qoǵamdyq keńes jemqorlyqty joıýǵa járdemdesedi

Qyzmet babymen álemniń talaı memleketterine jolym tústi. Dittep barǵan sharýańnan bólek, sol eldiń salt-dástúr, mádenıetine, memlekettiń qurylymyna úńile júresiń. Halqymyzda «jaqsydan úıren, jamannan jıren» degen ataly sóz bar ǵoı. Maǵan kezinde Elbasymyzdyń ózi erekshe mán bergen Sıngapýr eliniń memlekettik qurylymy erekshe unady. Kúni keshe ǵana aǵylshyn memleketiniń otary bolǵan, qedeı-kepshik el bodandyq qamytyn moınynan sypyrǵannan keıingi azdaǵan jyldarda aıaǵynan qaz turyp, dúnıejúziniń órkenıetti elderi sanasatyndaı qýatty memleketke aınaldy. Bes jarym mıllıondaı halqy bar eldiń basshysy Lı Kýan Iý qyryq jyldyń ishinde Sıngapýrda halyqtyń qoldaýymen sybaılas jemqorlyqty aýyz­dyq­tap, memlekettik qyzmetti eń aby­roıly mansap dárejesine jet­kizdi. Halqy kedeıshilikten quty­lyp, dáýletti elge aınaldy. Biz­diń Memleket basshysy N.Á.Na­zar­baev ta osyndaı irgeli memle­ket­terdiń jaqsy tájirıbesin úlgi­ge alyp, Qazaqstandy qýatty mem­le­ketterdiń qataryna qosty. Elbasynyń Jarlyǵymen ja­ńadan Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi qurylǵandyǵy ózderińizge málim. Osyǵan oraı, agenttiktiń Ońtústik Qazaqstan oblysy boıynsha departamentiniń basshysynyń buıryǵymen departament janynan 11 músheden turatyn Qoǵamdyq keńes uıym­das­tyryldy. Qoǵamdyq keńestiń qu­ramyna saıa­sı partııa, jergilikti ókiletti organdardyń jáne buqa­ral­­yq aq­parat quraldarynyń ókil­deri, son­daı-aq oblystyq kásip­ker­­ler pa­la­tasynyń tóraǵasy engi­zil­di. Az-kem túsinik bere ketsek, qo­ǵam­dyq keńes – Qazaqstan Res­pýb­lıkasy Memlekettik qyzmet is­teri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamenti janyndaǵy konsýltatıvtik-keńesshi organ bolyp tabylady. Qoǵamdyq keńes óz qyzmetinde Qazaqstan Respýblıkasy Konstıtýsııasyn, «Sybaılas jemqorlyqqa qarsy kúres týraly» jáne «Memlekettik kórsetiletin qyzmetter týraly» Qazaqstan Respýblıkasy zandaryn jáne Qazaqstan Respýblıkasynyń basqa da normatıvtik quqyqtyq aktilerin, sondaı-aq belgilengen erejeni basshylyqqa alady. Qoǵamdyq keńestiń maqsaty, birinshiden, memlekettiń sybaılas jemqorlyqqa qarsy saıasatyn qoldaý, qoǵam ómiriniń barlyq salalarynda sybaılas jemqorlyq deńgeıin tómendetý, sybaılas jemqorlyqqa qarsy is-qımyl sharalaryn jetildirý, memlekettiń úkimettik emes uıymdarmen jáne halyqpen ózara is-qımylyn jandandyrý. Ekinshiden, memlekettik or­gan­­­­dardyń, úkimettik emes já­ne qo­ǵamdyq uıymdardyń, qoǵam qaı­rat­kerleriniń jáne el tur­ǵyn­­darynyń kúshterin azamat­tar­dyń qajettilikterin qanaǵat­tandyrýǵa, halyqtyń memlekettik organdarmen qarym-qatynasyn ońaılatýǵa jáne qoǵam ómiriniń barlyq salalarynda halyqty qoljetimdi joǵary sapaly qyz­met­termen qamtamasyz etýge ba­ǵyt­talǵan. Sondaı-aq, sybaılas jem­qor­lyqqa qarsy is-qımyl boıynsha júrgiziletin jumystar sheginde, halyqqa memlekettik qyzmetter kórsetý kezinde memleketpen jáne azamattyq qoǵammen baılanysty qamtamasyz etý, jeke jáne zańdy tulǵalarmen, úkimettik emes uıymdarmen ózara is- qımyl jáne yntymaqtastyq jasaýǵa qyzmet etedi. Sybaılas jemqorlyqqa qar­­sy is-qımyl sharalaryn jetil­­dirý­ge jáne memlekettik organ­dar­dyń memlekettik qyzmetterdi sapa­ly usynýyn damytýǵa járdem­desedi. Ońtústik Qazaqstan oblysy turǵyndary úsh mıllıonǵa je­teǵabyl irgeli aımaq. Halyq kóp bolǵannan keıin jarqyn istermen qatar kóleńkeli jaǵdaılar da jıi oryn alatyndyǵy belgili. Ásirese, memlekettik qyzmette júrgen keı azamattar óz mindetine enetin laýazymdyq nusqaýlardy, memlekettik zańnamalardy bile bermeıdi. Ústeldi toqpaqtap jumys talap etetin, adamdardyń aryna tıip, jábirlep oıyna kel­genin isteıtin, baqyraýyq bastyq­tardyń zamany ótti. Qazaqstan – zaıyrly memleket. Álemdegi eń ozyq otyz memlekettiń qataryna enýge jaqsy talpynysy bar, aldy­na úlken maqsat qoıǵan, Orta­lyq Azııada shoqtyǵy bıik el. Ota­ny­myzdyń tiregi – memlekettik qyz­met­kerler osy údeden shyǵýy tıis. Jaqynda Saryaǵash qalasynda ótken alqaly jıynda departament basshysy Murat Ahmetov Mem­lekettik qyzmet isteri jáne sy­baılas jemqorlyqqa qarsy is-qımyl agenttiginiń jumysyn oblystaǵy atqarylar sharýalarmen shendestirip baıandama jasady. Kópshiliktiń túsinbeı júrgen túıtkildi saýaldarynyń túıinin tarqatty. Sol kúni Murat Ahmetov Sary­aǵash aýdany ákimdiginiń ǵıma­ra­tynda qoǵamdyq keńes tóraǵa­sy, oblystyq tártiptik keńes múshelerimen birge jeke máseleler boıynsha azamattardy qabyldady. Qurkeles aýyldyq okrýgi áıelder keńesiniń tóraıymy Ásııa Qasymbekova memlekettik qyzmetkerlerdiń aýysý tártibin surasa, aýdandyq ekonomıka jáne qarjy bólimi basshysynyń orynbasary Murat Júsipovtiń bilgisi keletini memlekettik satyp alý tártibi jaıly. Ekeýi de mańyzdy suraq. Ásirese, memlekettik satyp alý kezinde bir kúndik kásipkerler ádeıi eń tómen baǵa qoıyp, jeńim­paz bolyp tabylǵanymen kelisim-shartqa qol qoımaı, mekenjaıyn taptyrmaı ketedi. Ony joıdyqsyz dep tanyp, ekinshi márte konkýrs ótkizgende taǵy bir qaladan álgindeı fırma tabylyp, on mıllıon teńgege jasalatyn jumysty on myń teń­gege jasap bererin aıtyp, qu­jat túzedi. Konkýrs boıynsha jeńim­­paz atanǵanymen ol qarasyn da kór­­setpeıdi. Ýaqyt tyǵyz, ju­mys oryn­dalý úshin tapsyrys berý­shi me­keme áleýetti kásipkerge bir kóz­­den qarjy bólýge sheshim qabyl­­daıdy. Kelisimshart jasaıdy. Al, ol zań talaby boıynsha sy­baı­­las jemqorlyqqa jaǵ­daı týǵy­za­tyn amal bolyp baǵa­la­nyp, tár­tiptik keńeste memle­ket­­tik qyz­metkerlerdiń máselesi qaralady. Murat Jambyluly osy jáne test tapsyrý, konkýrsqa habarlandyrý berý, turǵyndardyń aryz-shaǵymyn mezgilinde qaraý máseleleri boıynsha tolymdy jaýap berdi. Bul saýaldardy retteýge qo­ǵamdyq keńestiń de orny aı­ryqsha. Qabyldanǵan zańdardyń bári tushymdy, barlyq talaptarǵa jaýap beredi deýge bolmaıdy. Ál­­gindeı sybaılas jemqorlyq áre­ket­­terine eriksiz jol ashatyn ta­lap­tardy jetildirip, tolyq­tyrý engizýde buqaramen erkin baı­la­­nys­taǵy qoǵamdyq keńes jaq­sy kómek bere alady dep oılaı­­­myz. Qoǵamdyq keńestiń min­de­­ti­ne sy­baılas jemqorlyqqa qarsy is-qımylǵa baǵyttalǵan baǵ­­dar­­­la­­­­madan bólek, qoǵamdyq monı­to­­­rıng qorytyndylarynyń nátı­jesi boıynsha azamattyq qoǵam­­nyń usynystaryn talqylaý jatady. «Bir kózden» konkýrs jeńim­pazyn tanýdyń sybaılas jem­qor­lyqqa jol ashatynyn aıttyq. Ondaıǵa uryndyrmas úshin sybaılas jemqorlyqqa qarsy kúres­tiń ádisteri men nysandaryn je­tildirý máseleleri boıynsha usynystar daıyndap quzyretti oryndarǵa jetkizý de qoǵamdyq keńestiń mindeti. Sondaı-aq, kásip­kerlik sýbektileriniń zańdy múddelerin qorǵaýmen baılanysty quqyq qorǵaý qyzmetin retteıtin quqyqtyq normalar boıynsha usynystar ázirleý búgingi kúnniń mańyzdy talaptarynyń biregeıi. Menińshe, qoǵamdyq keńes eli­mizdi sybaılas jemqorlyq sııaqty indetten saýyqtyrýǵa, agenttikke memlekettik qyzmetke qoıylatyn talaptardy oryndaýǵa baılanys­ty jaqsy járdemshi bola alady. Sóz basynda aıtqandaı, Sın­ga­pýr memleketi sııaqty sybaılas jemqorlyqty buǵaýlaý úshin ne isteý kerek?! Eń aldymen, halyqtyń bılikke degen senimin nyǵaıtý sharalaryn qolǵa alý qajet. Memlekettik qyzmetkerdiń eń birinshi mindeti – halyqqa adal qyzmet etý, kerek bolǵan jaǵdaıda óz múddesinen el múddesin joǵary qoıý. Búginde quqyq qorǵaý organdaryna halyqtyń senimi azaıyp ketti. Kináli ózderi. Aq-adal maldy urlaýshylardyń ishinde ýchaskelik polıseılerdiń júrýi, zorlyqshyl qaltalylardyń sotta zábir kórgen jaqtyń quqyǵyn aıaqasty etip, aman-esen qutylyp ketýi ómirde kezdesip turatyn jaǵdaı. Sondyqtan quqyq qorǵaý or­gan­darynyń basshylarymen birlesip atqaratyn jumys jetkilikti. Memleket basshysy N.Á.Na­zar­baev ta halyqqa jyl saıyn­ǵy Joldaýynda sybaılas jemqor­lyq­ty joıyp, básekege qabiletti ór­kenıetti elderdiń qataryna kirýdiń strategııalyq josparyn túzip keledi. Sybaılas jemqorlyq – mem­le­ketke abyroı bermeıdi, táýel­siz­dikke qater. Al, táýelsizdik – bizdiń eń basty quńdylyǵymyz. Ábilqasym DOSBOLOV, Ońtústik Qazaqstan oblystyq máslıhatynyń depýtaty, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamenti janynan qurylǵan qoǵamdyq keńestiń tóraǵasy. ShYMKENT.