Foto: instagram.com/janibek_alimkhanuly
Buǵan deıin jańazelandııalyq boksshy jekpe-jektiń ótpeýine baılanysty sarkazm mazmunyndaǵy vıdeo túsirip, áleýmettik jelige jarııalaǵan edi.
Jánibek Álimhanuly ekeýara kelisimshart kúshinde ekenin eske salyp, endi ony aıamaıtynyn aıtty.
«Andreıdiń paraqshasyndaǵy vıdeony kórdim. Bala ózine kóp alyp jatyr eken. Men jekpe-jekke densaýlyǵyma baılanysty shyǵa almadym. Aýrýhanaǵa tústim. Biraq qarsylasym adam basyndaǵy synaqty, aýyr jaǵdaıdy mazaq qylyp jatyr. Bul negizi adamgershilik emes. Eshqandaı boksshy bulaı jasamaıdy. Qaıta saýyǵyp ket deıdi. Onyń isine tipti men uıalyp kettim. Bizde kelisimshart bar. Judyryqtasamyz. Biraq endi ony aıamaımyn», dep jazdy Jánibek Álimhanuly.
Buǵan deıin Andreı Mıhaılovıch jekpe-jektiń ótpeý sebebin «ǵasyr oqıǵasyna» teńegen edi.
