Birlik týraly birer sóz

Birligi myqty el bolsa, Barlyǵy túgel baýyr-dy. Tóle bıdiń tolǵaýynan.   Kómbesinen arshyp alyp kóne zaman, Tórine ozdy ýaqyttyń Tóle babam. Qushaǵyna syıǵyzǵan kúlli alashty, Aqyly abyz, Oıy alǵyr zerek adam.   Aqynyńnyń kóńili neden alań?! Egemendi, eńseli el ol aman. Alǵa tartqan aıdynda keme-qoǵam. О́mir-muhıt, О́tkel joq tereń onan, Sonyń bárin boljaǵan Tóle babam.   Jel aıdaǵan taǵdyry japyraqtaı, Qazaq úshin qut qonys atyrap baı. Tarlyq etti Tólege keıde dalam, Afınaǵa syımaǵan Sokrattaı...   Bıligine bolmapty súısinbegen, Parasatyn, parqyn kim túısinbegen?! Úzik baýyn úsh júzdiń úılestirip, Úı ishine úı tikken Úısin Tólem...   Dalasy keń... taýy asqaq... kemdigi joq, El birligi eń basty boldy mindet. Úsh jaqtaǵy úsh bıdi óle-ólgenshe, Alańdatqan alashtyń Teńdigi kóp.   Omaqa asty sengen qur kúshke talaı, Jáı qaramaq eldik bul iske qalaı?! Ydyratyp, toz-toz qyp jiberedi, Yntymaǵy joq eldi dushpan ońaı.   Quıqyljyǵan kún edi qustar áni, Jıdelbaısyn túrlengen túski alaby. Jaqsylarmen bas qosqan Tóle babam, Aldaryna aldyrtty úsh balany.   Tut aǵashy jatqan bul kezde gúldep, Ysyrylyp keıinge ózge mindet. Tóle babam aldyrtty májiliske, Ushqyn shashqan úsheýin kózderinde ot.   Birlik bolmaq bastaıtyn muratqa eldi, «Qalaı... qaıtip?!» Jan-jaqtan suraq tóndi... Tóle aldyna úsh bala tize búkti, Úsh órkenge bul naǵyz synaq boldy.   Tóle babam oıanyp qalyń oıdan, Qyl ústinde qazaqtyń jany qaıran! Dep kúrsindi bir aýyq, bir kezderi Osylardaı bolatyn Abylaı han.   Ústem bolsyn azamat ary maldan! Úısin Tóle alashtyń bárine arman. Basyn qosqan úsh júzdiń han Abylaı, Kerek bolsa, Tóleden tálim alǵan...   Qazaq degen momaqan, tynysh halyq, Uly kúshpiz jumylsaq! Umytpalyq. Sóıtti daǵy usyndy úsh balaǵa, Bólek-bólek «syndyr» dep shybyqty alyp.   Shyqqan bala ortaǵa birinshi bop, Shybyqty ońaı syndyrdy «súıinshilep». Ekinshisi eki tal jas shybyqty, Ol da týrap tastady kúlimsirep.   Bárekeldi, dedi de Tóle babam: Kóz tiktińder kúmiljip nege maǵan?! Úshinshige ustatyp ýys shybyq, Baǵyńdy kór, shyq, dedi qane, balam!   О́ńsheń jaqsy ishinen tyna qaldy, О́negeli is edi synaq álgi. Buryn bastan keshpegen myna haldi, Bala bolsa bir ýys kók shybyqty, Olaı-bulaı birǵaýym buraǵan-dy.   Monshaq-monshaq ter shypshyp mańdaıynda, Qıyndatyp aldy-aý, ol hal-jaıyn da. Kónbedi ýys kók shybyq bala yrqyna, Oıda bolsyn osy jaı árdaıymda!   Bolmas budan biz úshin asqan ańyz, Tóle bıdeı tolǵaýyn tosqan abyz. Sol Birlik pen Yntymaq altyn kilti – Kún suqtanǵan kórkine Astanamyz.   Alǵa tartqan Táýelsiz keme-qoǵam, Bolady aqyn endeshe, neden alań?! Máńgilik El turǵanda mamyrajaı, Máńgi jasaı beredi Tóle babam!!! Tolybaı ABYLAEV. Qyzylorda oblysy, Aral qalasy.