«Áleýmettik jelilerde belgili bir syıaqy úshin júrgizýshi kýáligin alýǵa kómek kórsetetinder týraly aqparat tarap jatyr. Osyndaı zańsyz áreketter úshin qylmystyq jaýapkershilik kózdeledi. Alaıaqtardyń aldyn ala tólemdi surap alyp, artynan izin sýytatynyn da atap ketken jón. Osyǵan baılanysty IIM azamattardy muqııat bolýǵa jáne kúmándi kelisimderden aýlaq bolýǵa shaqyrady. Mundaı tásilmen júrgizýshi kýáligin alý múmkin emes» – dep málimdedi vedomstvo.
Qazaqstannyń qoldanystaǵy zańnamasyna sáıkes, júrgizýshi kýáligin alý úshin avtomektepte oqýdan ótip, qajetti sanat boıynsha kýrsty aıaqtaǵany týraly kýálik alý qajet. Keıin sol sanat boıynsha teorııalyq jáne praktıkalyq emtıhandardy tapsyrý úshin arnaıy HQKO-ǵa júginý kerek. Ol úshin jeke basty kýálandyratyn qujattardy, avtomektepte oqý kýrstaryn aıaqtaǵany týraly kýálikti, medısınalyq anyqtamany, júrgizýshi kýáligin daıyndaý úshin memlekettik baj tólengeni týraly túbirtekti usyný qajet. Emtıhandardy sátti tapsyrǵan jaǵdaıda azamatqa kólik basqarýǵa arnalǵan júrgizýshi kýáligi beriledi. Bul – mindetti rásimder.
«Kúdikti usynystar anyqtalǵan jaǵdaıda dereý polısııaǵa habarlasý qajet», – dep túıindedi mınıstrlik.
