Ashyq sot kabınetindegi málimetke súıensek, oqıǵa bıyl 27 sáýirde keshki saǵat 20.50 shamasynda oryn alǵan. Polısııa podpolkovnıgi anasyna qol kóterip, densaýlyǵyna jeńil dárejedegi zııan keltirgen.
Sot otyrysynda polıseıdiń anasy uly qol kótergenin rastaǵan. Al tártip saqshysy ashý ústinde anasyn urǵanyn moıyndap, keshirim suraǵan.
4 shildedegi sot sheshimimen polısııa qyzmetkeri Ákimshilik quqyq buzýshylyq týraly kodekstiń 73-1-babynyń 1-1-bóligimen kináli dep tanyldy. Oǵan ákimshilik jaza retinde eskertý berildi. Sot sheshimi shyqqan soń polısııa podpolkovnıgi jumystan bosatyldy.
- Atalǵan jaıtqa qatysty is-qujattar jınaqtalyp, sheshim qabyldaý úshin mamandandyrylǵan aýdanaralyq sotyna joldanǵan. Sonymen qatar, qyzmettik tekserý júrgizilip, onyń nátıjesine sáıkes polısııa qyzmetkeri ishki ister organdarynan shyǵaryldy, – delingen polısııa málimetinde.
Aıta keteıik, tártip saqshysy qalalyq Polısııa departamentine qarasty Jedel basqarý ortalyǵynyń ınspektory qyzmetin atqarǵan.
