Foto: facebook/Wolfe County Search & Rescue Team
CBS News habarlaýynsha, Ogaıo shtatynan kelgen 48 jastaǵy Skott Hırn 6 shildede Kentýkkıdiń shyǵysyndaǵy tik jartastar men sarqyramalarmen áıgili shóldi aımaq Red-Rıver shatqalyndaǵy sarqyramalardy izdeýge shyǵyp, joǵalyp ketken.
Er adamnyń týystary dabyl qaǵyp, qutqarý toptary týrısti qarqyndy izdeýge kirisken.
Olar aýmaqty kún saıyn qarap, biraq Herneniń izin tappaǵan. Operasııaǵa qatysýshylardyń ózderi moıyndaǵandaı, joǵalyp ketkennen keıin, olar Skottty tiri tabamyz dep múlde oılamaǵan.
Alaıda, qutqarýshylar toby týrıster barmaıtyn shalǵaı jerlerdi tekserýdi uıǵaryp, nátıjesinde er adamnyń aıaq kıiminiń izin tapqan. Qutqarýshylar qaıta toptasý úshin toqtaǵan kezde jartastan shyqqan álsiz, anyq emes dybysty estigen. Olar «kómektes» degen sózdi estigende daýys shyqqan jaqqa qaraı bet alǵan. Nátıjesinde, Skott Hırn jyradan tabylǵan.
«Ol maǵan qarap: «Kóp raqmet, meni qushaqtashy», dedi. Meniń kózimnen jas aǵyp, men ony qatty qushaqtadym», dedi qutqarýshy Ýolterman.
Qutqarýshylar toby týrısti tikushaqtyń kómegimen shyǵaryp alǵan.
«Hern myrzanyń 14 kún joǵalyp, 12 kún tamaq pen sýsyz qalǵannan keıin tiri tabylýy shynymen keremet», dedi qutqarý toby.
