Iаdrolyq qarýdy taratpaý jáne qarýsyzdaný salasyndaǵy qazirgi kúrdeli geosaıası shyndyq jaǵdaıyn taqyrypqa arqaý etken mundaı mańyzdy oqıǵa Shart erejeleriniń oryndalýyna sholý jasaıtyn negizgi alań.
Is-sharany ashqan tóraǵa, Qazaqstan Syrtqy ister mınıstriniń birinshi orynbasary Aqan Rahmetýllın IаQTSh maqsattaryna qol jetkizý úshin álemdik qaýymdastyqtyń birlesken jumysynyń mańyzyn atap ótip, elimizdiń jahandyq ıadrolyq qarýsyzdaný isine beıildiligin rastady.
IаQTSh-ǵa qatysýshy 190 memlekettiń delegattary aldaǵy eki apta ishinde IаQTSh-nyń úsh tiregi: ıadrolyq qarýsyzdaný, atom energııasyn taratpaý jáne beıbit maqsatta paıdalaný boıynsha halyqaralyq yntymaqtastyq pen senimdi nyǵaıtýǵa baǵyttalǵan qarqyndy talqylaýlarǵa qatysady.
Ulttyq turǵyda Qazaqstan delegasııasy Iаdrolyq qarýǵa tyıym salý týraly shartqa (IаQTSSh) qatysýshy memleketterdiń atynan birlesken málimdeme jasap, ıadrolyq synaqtardan zardap shekkenderge kómek kórsetý úshin nysanaly qor qurýdyń mańyzyn atap ótti.
Ekinshi Daıyndyq komıtetiniń jumysy bıyl 2 tamyzǵa deıin jalǵasady. 1970 jyly kúshine engen Iаdrolyq qarýdy taratpaý týraly shart (IаQTSh) – ıadrolyq qarýdyń taralýyn boldyrmaýǵa, ıadrolyq qarýsyzdanýǵa járdemdesýge jáne ıadrolyq energııany beıbit maqsatta paıdalanýdy ilgeriletýge baǵyttalǵan irgeli halyqaralyq qujat. IаQTSh Sholý konferensııalary bes jyl saıyn sharttyń oryndalýyn baǵalaý jáne onyń maqsattaryna jetýdiń kelesi jumys baǵytyn aıqyndaý úshin ótkiziledi.
