Foto:Ashyq derekkóz
YDD korporasııasynyń málimetinshe, balqytý sehynyń slesary Dmıtrıı Adamchýk pen bas mehanık qyzmetiniń brıgadıri Tólegen Jetpisbaev túnde aýrýhanada qaıtys bolǵan.
«1981 jáne 1987 jyly týǵan naýqastar esin jımaı kóz jumdy. Dárigerler olardyń ómirin saqtap qalý úshin sońyna deıin kúresti. О́kinishke qaraı, eki naýqasty aman alyp qalý múmkin bolmady», deıdi dárigerler.
Buǵan deıin tehnolog Erulan Qazkenniń qaıtys bolǵanyn habarlaǵan edik.
Aıta keteıik, eki kún buryn Qaraǵandy ferroqorytpa zaýytynyń pesh bastyǵy, 30 jastaǵy Mýzaffar Ismaılov qaıtys bolǵan edi. Onyń denesiniń 85%-yn kúıik shalǵan.
Qaraǵandy ferroqorytpa zaýytyndaǵy apat saldarynan qaza bolǵandar sany tórt adamǵa jetti.
HID Corporation jerleý rásimin uıymdastyrý, as berý jáne mazar/eskertkish ornatý boıynsha barlyq shyǵyndardy óz moınyna alǵan, sondaı-aq kompanııa kóz jumǵan qyzmetkerlerdiń otbasylaryna barlyq qajetti qoldaýdy kórsetetinin habarlaǵan.
Eske salaıyq, 20 shildede № 1 zaýyt peshinde kenetten jalyn shyǵyp, saldarynan kásiporynnyń 8 qyzmetkeri zardap shekken edi.
