Túrkistan qalasyndaǵy №15 jalpy orta mekteptiń túlegi Damır Ulttyq biryńǵaı testileýden 133 ball jınaǵan. Mektepti bitire salysymen talapty balany sheteldiń 45 joǵary oqý orny tegin oqýǵa shaqyrdy. Olardyń ishinde AQSh, Shveısarııa, Germanııa, Ispanııa, Malaızııa, Shotlandııa sekildi elder bar.
– Mektepte geografııa, matematıka jáne aǵylshyn tiline qatty kóńil bóldim. Sodan IT salasyn tańdaımyn degen josparym boldy. Degenmen 11-synypta bul oıym ózgerdi. Onyma ókinbeımin. Qazir bıznes baǵytyn tańdap otyrmyn, – deıdi Damır.
Talapker tańdaýyn jasap, sheshimin shyǵaryp qoıypty. Ol oqýǵa shaqyrtý alǵan elderiniń arasynda Chehııa astanasy Praga qalasyn tańdap otyr.
– Shetelde bilim alý úsh jylǵa jalǵasady. Taǵy bir jyl sol eldiń tilin meńgeremin. Meni shákirtaqysy 2,5 mln teńge bolatyn ýnıversıtetter de shaqyrdy. Biraq júrek qalaýym Eýropaǵa túsip tur, – deıdi alǵyr bala.
Eske sala keteıik, osyǵan deıin túrkistandyq túlek Islam Abdýrahmanov da alpaýyt 6 memlekette ornalasqan 40-tan astam joǵary oqý ornynan shaqyrtý alǵan bolatyn. Atap aıtar bolsaq, BAÁ, AQSh, Anglııa, Polsha, Malaızııa, Shveısarııa elderindegi álemge tanymal joǵary oqý oryndarynyń grantyn jeńip alǵan edi. Ol da tańdaýyn jasady. AQSh-tyń Tehas shtatyndaǵy Hıýston qalasynda ornalasqan «North American University (NAU)» oqý ornynda bilim alatyn boldy.
– 8-synypta IT salasyna qyzyǵýshylyǵym oıanyp, jańa baǵytqa qadam bastym. Bul salada respýblıkalyq deńgeıde ótken «Hackathon» atty jarystan altynǵa qol jetkizdim, osy is-sharada alǵan tájirıbem elimizdegi bilim olımpıadasynan birinshi oryn ıelenýime sebepker boldy. 9-synypta qoǵamdyq istermen aınalysamyn dep sheshtim. Túrkistan qalasynyń «Eco Turkistan» klýbynyń múshesi boldym jáne ol jerde biraz tájirıbe alyp, Kentaý qalasynda ózimniń «Green Team» atty jeke eko klýbymdy ashtym, – degen edi ol.
О́zderiniń aıtýynsha, eki jigitimiz de bala kezden bilim áleminiń esigin aıqara ashqan. Oqýda erik-jigerdiń, úlken izdenistiń kerek ekenin uqqan. Sol jolda talmaǵan. Endi, mine, jemisin de kórip otyr.
