Mereke tarıhy ilgeride jatyr. Derekterge súıensek, keńestik kezeńde saýda, turmystyq qyzmet kórsetý jáne kommýnaldyq sharýashylyq qyzmetkerleriniń kúni boldy. 1966 jyldan bastap shilde aıynyń sońǵy jeksenbisinde atalyp ótken. Al 1988 jyly naýryzdyń úshinshi jeksenbisine kóshirilgen. Táýelsiz Qazaqstan tarıhynda bul kásibı mereke Saýda jáne ıntegrasııa mınıstrliginen buryn qurylǵan. 2017 jyly 31 qazanda Úkimettiń №689 qaýlysymen shildeniń sońǵy demalysy – Saýda qyzmetkerleriniń kúni bolyp belgilengen. Bıyl kásibı mereke 28 shildege sáıkes kelip otyr. Demek 2018 jyldan beri sala qyzmetkerleri merekeni 7-ret qatarynan atap ótpekshi. Sondaı-aq bul mereke TMD elderinde de bar. Mysaly, Belarýs pen Ýkraınada shildeniń sońǵy jeksenbisine keledi.
Saýda – ekonomıkanyń mańyzdy salasy. Atalǵan sala memleket bıýdjetine túsetin salyqtyń kóp bóligin qamtyp otyr. Ári jumyssyzdyqqa tosqaýyl qoıýda da óte mańyzdy ról atqarady. Saýda jáne ıntegrasııa mınıstrligi bergen málimetke súıensek, elimizdegi saýda salasynda 1,5 mıllıonnan asa adam qyzmet etedi. Sondaı-aq 80 myńǵa jýyq saýda nysany bar. Bunyń ishinde 700-den astamy – túrli saýda bazarlary.
«2019 jyly qurylǵan Saýda jáne ıntegrasııa mınıstrligi 5 jyl ishinde aýqymdy jetistikterge qol jetkizdi. Osy aralyqta ishki saýda aınalym 60 paıyzǵa artsa, syrtqy taýar aınalym 43 paıyzǵa ósti. Taýarlar eksporty byltyr 35 paıyzǵa ulǵaıdy. Sondaı-aq ulttyq saýda sektoryn damytýda aıtarlyqtaı jetistikterge ıe boldyq. Aýqymdy jumystar nátıjesinde EAEO-ǵa múshe memleketterde saladaǵy kóptegen kedergi joıyldy. Bul halyqaralyq saýdada mártebemizdi joǵarylatyp, ekonomıkalyq baılanystardy keńeıtýge yqpal etti. 2019 jyldan bastap qazaqstandyq kompanııalar eksport arqyly Alibaba, Wildberries sekildi halyqaralyq elektrondyq alańdarǵa shyǵa bastady. Atalǵan bastama jańa jumys oryndaryn kóbeıtip, búgingi naryqqa shyǵýǵa múmkindik berdi», deıdi mınıstrlikke qarasty Saýda komıtetiniń tóraǵasy Aıdar Ábildabekov.
Tóraǵanyń sózinshe, elimiz Iran, Sıngapýr jáne Serbııamen mańyzdy erkin saýda kelisimderin jasaǵan. Bul el boıynsha eksporttaýshylar men ımporttaýshylar úshin jańa múmkindik týǵyzyp otyr. Sondaı-aq Qytaımen saýda-ekonomıkalyq yntymaqtastyq týraly kelisimge qol qoıylyp, bizdiń elimiz álemdegi jetekshi ekonomıkalyq oıynshylardyń birimen qarym-qatynasymyzdy nyǵaıtýǵa mańyzdy qadam basqanyn basa aıtqan jón.
Saýda qyzmetkerleriniń maqsaty – halyqtyń taýarlar men qyzmetterge suranysyn qanaǵattandyrý. Rasymen de, ómir súrý daǵdymyzdy dúkender men basqa da saýda oryndarynsyz elestetý tym qıyn. Adamzattyń túrli qajettiligin óteıtin nysandardyń mańyzy erekshe. Ekinshiden, saýda kásiporyndary jyl saıyn damyp, zamanaýı tehnologııalyq qyzmet kórsetý standarttaryn engizip jatyr. О́ıtkeni tutynýshylardyń da ónim men qyzmet kórsetýge qoıylatyn talaptary artqan.
Aıta keteıik, kásibı merekede sala qyzmetkerlerin mınıstrlik jáne ózge de memlekettik qurylymdar quttyqtaıdy. Jyl saıyn olardy dıplom jáne arnaıy syılyqpen marapattap, qurmet kórsetip keledi.
