Foto: Vedomstvo
Atalǵan mınıstrliktiń baspasóz qyzmeti málim etkendeı, jańa gıdrotehnıkalyq nysan Balabógen jáne Úlkenbógen ózenderiniń qıylysqan tusynda, 680 gektar jerde boı kóteredi. Bógettiń uzyndyǵy – 1,75 shaqyrym, bıiktigi – 26 metr. Sý qoımasy kóktemgi tasqyn sýyn jınap, sýarý maýsymynda «Bógen» sý qoımasyna qosymsha sý jiberedi dep josparlanyp otyr.
«Mınıstrliktiń Sý resýrstaryn basqarý júıesin damytýdyń 2024-2030 jyldarǵa arnalǵan tujyrymdamasyna sáıkes Túrkistan oblysynda «Báıdibek ata» jáne «Boraldaı» sý qoımalary salynady. Eki nysan da «Bógen» sý qoımasyna qosymsha 113 mln tekshe metr sý jetkizýge múmkindik beredi. Osylaısha, biz Túrkistan qalasy aýmaǵynda aǵyn sý máselesin sheshýdi josparlap otyrmyz», dedi sala mınıstri Nurjan Nurjigitov.
Sý qoımasyna jınalǵan sýdy «Bógenge» jetkizý úshin «Sarqyrama» kanaly salynyp jatyr. Jalpy uzyndyǵy 21,7 shaqyrym bolatyn kanal sekýndyna 12 tekshe metr sý ótkize alady. Búginde qurylys jumystary 48%-ǵa aıaqtalyp, 10 shaqyrymnan astam bóligi tolyq betondalǵan.
«Báıdibek ata» sý qoımasynyń negizgi sý kózi – Bógen ózeni. Gıdrologııalyq esepteýlerge sáıkes, ózenniń ortasha jyldyq aǵyny – 165 mln tekshe metrge deıin jetedi, ony halyqtyń qajettiligine jaratý óte mańyzdy, - dedi sý sharýashylyǵy salasynyń ardageri Ilııas Álibekov.
