Kemi bes bótelke ákelip tapsyrǵan ár balaǵa balmuzdaq berildi. Ásirese, búldirshinderdiń belsendiligi joǵary boldy. Arnaıy bótelke qabyldaý pýnktterine otbasymen kelgenderde kóp. Maıqudyq saıabaǵynda búldirshinder 50 myń bótelke tabystap, 10 myń balmuzdaq alypty. Osy arqyly aýlada shashylyp jatqan bos bótelkeler jınalyp qaldy.
Balalarǵa arnalǵan mundaı aksııa aımaǵymyzdyń basqa qala-aýdandarynda jalǵasty. Máselen, Temirtaýdyń kishkentaı turǵyndary 45 myń bótelke jınap, 4 500 balmuzdaq aldy.
– Qala turǵyndary, ásirese, balalar belsendi qatysty. Aldaǵy ýaqytta osyndaı aksııalardy turaqty negizde ótkizýdi josparlap otyrmyz. Bir jaǵynan balalarǵa bazarlyq bolsa, ekinshi jaǵynan tazalyqqa úles qostyq, – deıdi Temirtaý qalasy ákiminiń orynbasary Samat Zııashev.
Mundaǵy aksııaǵa qatysqandar 10 bótelkeni balmuzdaq alatyn talonǵa aýystyryp otyrdy. Al Shahtınskiniń balalary 12 500 bótelke tapsyrypty. Bul jaqtyń búldirshinderi de atalǵan aksııaǵa bilek sybana kirisken kórinedi. О́zderi máre-sáre bolyp, merekelik kóńil kúı sezinipti. Az ǵana ýaqyttyń ishinde qala tazaryp qaldy deıdi uıymdastyrýshylar. Qarqaralylyqtar 4 500 bótelke jınady. Saran qalasy, Aqtoǵaı jáne Abaı aýdandarynyń turǵyndary da este erekshe qalatyn tazalyq estafetasyn jalǵap áketti. Olar da sáıkesinshe 2 400, 3 000 jáne 2 000 bótelke jınap tapsyrǵan. Aksııa bastaý alǵan bette de Buqar Jyraý, Nura jáne Shet aýdandarynyń turǵyndary 2 500-ge jýyq bótelke jınaǵan.
Aımaq turǵyndary, ásirese balalar plastmast, shyny bótelke jınaý arqyly qaldyqtardy qaıta óńdeýge, osylaısha ólkemizdi taza ustaýǵa úlesin qosty. Bastysy, balalar ekologııalyq mádenıet daǵdylaryn úırendi.
Qaraǵandy oblysy
