Soltústik Qazaqstanda deneshynyqtyrý-saýyqtyrý ortalyǵy boı kóterdi

PETROPAVL. 22 qańtar. Soltústik Qazaqstan oblysynyń ákimi Erik Sultanov Ǵ. Músirepov atyndaǵy aýdanda bolyp, jańadan paıdalanýǵa berilgen dene shynyqtyrý- saýyqtyrý ortalyǵyn aralap kórdi. Bul týraly oblystyq ákimdiktiń baspasóz qyzmeti habarlady. Sport keshenin salýǵa respýblıkalyq qazynadan 260 mln. teńge bólinip, qurylys jumystarymen «Soltústik qurylys» fırmasy aınalysty. Qazir munda voleıbol, basketbol, shaǵyn fýtbol, trenajer, boks, jekpe-jek, 160 orynǵa laıyqtalǵan kórermender zaldary, medısına, dýsh kabınetteri jumys isteıdi. Erik Hamzauly dene shynyqtyrý-saýyqtyrý ortalyǵyna júgirý jolaǵyn syıǵa tartty. Munyń aldynda aýdanda ınvestorlar bólgen 100 mln. teńgege  júzý basseıni boı kótergen bolatyn. Onda kúnine júzge tarta adam sýǵa shomylyp, salamatty ómir saltyna beıimdeledi. О́mir Esqalı. Derek: Soltústik Qazaqstan oblysy ákimdiginiń baspasóz qyzmeti. Sýret: total.kz.