Foto: Ashyq derekkóz
Túrkııanyń Birgün basylymy mundaı sheshimge áleýmettik jeliniń Iranda palestınalyq Hamas qozǵalysy jetekshileriniń biri Ismaıl Hanıeniń qazasyna baılanysty kóńil aıtýdy buǵattaýy sebep bolýy múmkin dep jazdy.
Túrkııa prezıdenti ákimshiliginiń kommýnıkasııalar bóliminiń basshysy Fahrettın Altýn Instagram-nyń mundaı áreketin «senzýra» dep ataǵan. Osydan keıin Túrkııanyń Aqparattyq tehnologııalar jáne kommýnıkasııalar basqarmasy áleýmettik jelige kirýge tyıym salǵan.
«Áleýmettik jelige kirýge tyıym salýdyń nelikten engizilgeni jáne onyń qansha ýaqytqa sozylatyny týraly áli túsinikteme berilgen joq», dep habarlady basylym.
Búginde Túrkııadaǵy tanymal resýrsqa kompıýterler men mobıldi qurylǵylar arqyly kirý múmkin emes.
Aıta keteıik, 85 mıllıon halqy bar Túrkııada Instagram qoldanýshylarynyń sany 50 mıllıonnan asady.
