Senator aldymen Astana qalasyndaǵy Baıqońyr aýdandyq ákimdiginiń apparatymen jáne turǵyndarymen, sondaı-aq polısııa bólimshesiniń ókilderimen kezdesti. Kezdesýge qatysýshylar aýdan ómirindegi áleýmettik máselelerdi, jańartý baǵdarlamasyn iske asyrý men polısııa jumysynyń tıimdiligin arttyrý jaǵdaıyn talqylady.
A.Lýkın Baıqońyr aýdanyn odan ári órkendetýdiń múmkindigi zor ekenin atap ótti. Infraqurylymdy jaqsartý, ómir súrýge qolaıly jaǵdaı jasaý jáne turaqty áleýmettik-ekonomıkalyq damýdy qamtamasyz etý maqsatynda qarqyndy jumystar qolǵa alynǵan. Depýtat Senattyń zań shyǵarý qyzmeti, onyń ishinde azamattardyń quqyqtaryn qorǵaý jáne olardyń ál-aýqatyn jaqsartýǵa baǵyttalǵan zańdar týraly kezdesýge qatysýshylarǵa aıtyp berdi.
Nura aýdanynyń turǵyndarymen kezdesýde áleýmettik sala, qurylys jáne ekologııalyq ahýaldy jaqsartý máseleleri talqylandy. «О́tken jyl Nura aýdany úshin asa mańyzdy boldy. Halyqty áleýmettik qoldaý men ınfraqurylymdy damytýda birqatar oń nátıjege qol jetkizdik. Aýdan qarqyndy túrde damyp, ósip-órkendeý jalǵasyp otyr. Azamattarǵa qolaıly jaǵdaı jasaý úshin aýqymdy ister qolǵa alynyp jatyr. Ekologııalyq jaǵdaıdy jaqsartý, qurylys jobalaryn damytý jáne áleýmettik qoldaýdy qamtamasyz etýde qajyrly qyzmet etip kelemiz. Árbir turǵyn óz úıinde qaýipsiz ári jaıly sezinýi tıis», dedi A.Lýkın.
