Yntymaq yrǵaǵy
Tabaldyryǵymyzdan attaǵan jyl el birliginiń, tatýlyqtyń jyly bolyp tur. Bul iske bıyl Almaty shaharynyń belsendi jastary da aralasatyn bolady. Jáne osy bastamaǵa Qazaqstandaǵy talaı ulttyń qyzyna joǵary bilim bergen Qazaq memlekettik qyzdar pedagogıkalyq ýnıversıteti de qosyldy. Osynaý sharalar Qazaqstan halqy Assambleıasynyń 20 jyldyǵyna arnalady.
70 jyl ishinde Almatydaǵy qyzdar ýnıversıtetinde bilim alǵan
Sonymen, qyzdar ýnıversıtetinde «Meniń Qazaqstanym!» ataýymen ótken aýqymdy basqosýda ártúrli JOO-da bilim alyp jatqan tegi – bólek, teńdigi – bir, túrli etnos ókilderi qazaqstandyq patrıotızm modelin nyǵaıtý, ultaralyq tatýlyq pen dostyq qatynas, etnosaralyq toleranttylyq pen qoǵamdyq kelisim taqyrybynda dıdarlasty.
Jastardyń aýyzbirshiligine bastaǵan jıyndy Qyzdar pedýnıversıtetiniń rektory Dınar Nóketaeva ashyp, eldiktiń joly, Qazaqstan halqy Assambleıasynyń tarıhy, tatýlyqqa qosqan úlesi jaıly stýdentterge jan-jaqty áńgimeleı kele:
– ...Memlekettiń tynys-tirshiligi, qaınaǵan ómiriniń kishkentaı kórinisi bizdiń kıeli shańyraǵymyzda ótip jatyr. Arman qýyp ásem Almatyǵa aıaq basqan qyzdar arýlar ordasyna taban tirep, sapaly bilim alyp, bilikti maman bolyp shyǵyp jatqandaryna, mine, 70 jyldan asty. Qazaqtyń ǵana emes, qyrǵyz, ózbek aǵaıyndardan bastap, uıǵyr, tájik, kúrd, orys, ýkraın, koreı sekildi 480-nen asa ózge ult ókilderi bilim alyp jatqan tilegi bir qyzdaryna Qyzdar ýnıversıteti úlken tirekke aınaldy, – dedi.
Odan ári sóz alǵan «Memlekettik tilge qurmet» birlestiginiń tóraıymy, Qazaqstan halqy Assambleıasynyń múshesi Asyly Osman: «Búgin keleshegimizdiń kepili, Almatynyń betke ustar qaımaǵy – jastar bas qosyp otyrǵan mańyzdy kún. Búgingi tańda Elbasynyń qoıyp otyrǵan negizgi maqsaty da el birligi. Ol birliktiń tutqasy da, uıytqysy da, keleshegi de jastar dep úmit artyp otyr, sol senimdi aqtaıtyndaı eldiń myqty qaıratkeri, elin súıgen, jerin súıgen azamattary bolyńdar. El birligin aq qardaı asqaqtata bilińder, eldiń yntymaǵyna, tatýlyǵyna uıytqy bolyńdar! Qyzdar ýnıversıtetinde oqıtyn kóptegen ózge ult ókilderinen turatyn sińlilerime apalyq retinde aıtar nazym «Tildi bilgen adam ǵana sol ultty qurmetteıdi, saltyna, dástúrine boılaıdy», – dedi.
Shara barysynda Qyzdar ýnıversıtetinde bilim alyp jatqan ózge ult ókilderi de tatýlyq pen yntymaq týraly óz oı-pikirlerin bildirip, júrekjardy tilekterin jetkizdi. Atap óte keteıik, arýlar ordasynda qazirgi tańda 480-nen asa ózge ult ókili oqıdy.
Jıyn sońynda belsendi jastar Qazaqstan halqy Assambleıasynyń 20 jyldyǵyna oraı arnaıy qarar qabyldady. Onda: ««Máńgilik El» bolýǵa bet alǵan Qazaq eliniń «altyn» jastary bolashaqqa úlken senim bildire otyryp, ultynyń ósip-órkendeýine yqpal etetin, órkenıetti el azamaty bolýǵa daıyndalýda. Sondyqtan, biz aldymyzǵa naqty mindetter qoıa otyryp, myqty da básekege qabiletti «Máńgi Qazaqstandy» qurý úshin aıanbaı ter tógemiz, barlyq jastyq kúsh-jigerimizdi arnaımyz!» delingen.
Aınash ESALI,
«Egemen Qazaqstan».
ALMATY.
Jarasymdylyq
Avetık AMIRHANIаN,
«Aıdana» JShS dırektory, «Mırzoıan» armıan etnomádenı qoǵamdyq birlestiginiń tóraǵasy, qalalyq máslıhattyń depýtaty.
Qazaq eliniń egemendi el atanǵanyna 23 jyldan asty. Osy ýaqyt ishinde Elbasy Nursultan Nazarbaevtyń bastamasymen elimizde kóptegen ınnovasııalyq baǵdarlamalar júzege asyryldy. Nátıjesinde Qazaqstan ekonomıkasy damyǵan órkendi elge aınaldy.
Búginde Qazaq elin búkil álem tanıdy, onyń basshysynyń kóregendigin barsha jurt moıyndaıdy. О́zim jeke kásippen aınalysatyn bolǵandyqtan, kásipkerlerge jasalyp jatqan jeńildikterdi jıi paıdalanamyn. Basqa elderde kásipkerlerge mundaı qoldaý jasalmaıdy. О́zge memlekettiń kásipkerleri bizge qyzyǵa qaraıdy.
Elbasynyń sarabdal saıasatynyń arqasynda bizdiń elimizde bar halyqtyń ókili birdeı jaǵdaıda, yntymaqtasa ómir súrýde. Túrli ult ókilderiniń tatý-tátti ómir súrýiniń arqasynda Qazaqstanda saıası jaǵdaı turaqty. Men osyndaı darhan da baýyrmal, qonaqjaı elde turatynymdy maqtan tutamyn. Meniń jáne balalarymnyń Otanyna aınalǵan Qazaq eliniń egemendigi máńgilik bolsyn!
Batys Qazaqstan oblysy.
