Foto: polisia.kz
Kúdiktilerdiń qarasorany arnaıy ósirgeni sýarý júıesi arqyly naqtylanǵan.
Sonymen qatar aral aýmaǵynda ornalasqan shatyrda patrondarymen tegis uńǵyly qarý, qajetti eki qap tyńaıtqysh, sondaı-aq qarasorany sýarý jáne óńdeý týraly jazbalary bar dápter tabylǵan.
«Esirtki plantasııasy Balqash kóli araldarynyń birinde anyqtaldy. Júrgizilgen saraptama tárkilengen 6 122 ósimdik butasy jalpy salmaǵy 2 tonna 740 keli gollandııalyq kannabıs ekenin rastady. Quramynda esirtki zattary bar ósirýge tyıym salynǵan ósimdikterdi zańsyz ósirý faktisi boıynsha qylmystyq is qozǵaldy. Kúdiktilerdi ustaýǵa baǵyttalǵan jedel-izdestirý is-sharalarynyń kesheni ótkizilip jatyr», dedi Almaty oblysy polısııa departamentiniń bastyǵy Baýyrjan Álenov.
Osylaısha polıseıler quny 300 mln teńgeni quraıtyn qarasoranyń qara naryqqa túsýiniń aldyn aldy.
