Eńbek jáne halyqty áleýmettik qorǵaý mınıstrligi taratqan málimetke júginsek, jalpy tólemniń somasy 46,5 mıllıard bolǵan.
Aıta keteıik, qoldanystaǵy zańnamaǵa sáıkes, jumystan bosatylǵan qyzmetkerler 1 aıdan 6 aıǵa deıingi merzimde jumyssyzdyqqa baılanysty áleýmettik tólemder ala alady. Bul tólemder mindetti áleýmettik saqtandyrý júıesine qatysý ótili men sońǵy 24 aıdaǵy kiriske baılanysty tólenedi jáne joǵalǵan kiristiń 45%-yna deıingi somany qamtıdy.
Áleýmettik tólemdi qalaı alýǵa bolady?
1. eGov.kz portalynda tirkelý qajet.
2. "Jumyspen qamtý jáne jumysqa ornalastyrý" bóliminen "Jumys izdeýshi tulǵalardy tirkeý" qyzmetin tańdaý kerek.
3. Qyzmetke onlaın tapsyrys berip, barlyq óristerdi toltyrý jáne ótinimdi ESQ arqyly qol qoıý qajet.
4. Bir kún ishinde turǵylyqty jerdegi kareralyq ortalyq (KO) bos jumys oryndaryn usynady.
5. Eger jumys tabylmasa, 3 jumys kúni ishinde onlaın rejımde jumyssyz mártebesi beriledi.
Bul qyzmetti sondaı-aq Elektrondyq eńbek bırjasy (enbek.kz) arqyly onlaın alýǵa bolady. Jumyssyz retinde tirkelgeni týraly málimet bolǵan jaǵdaıda, Eńbek jáne halyqty áleýmettik qorǵaý mınıstrliginiń aqparattyq júıesi mobıldi telefonǵa GFSS-dan tólem taǵaıyndaý qyzmetine kelisim týraly SMS-habarlama jiberedi. Kelisim bergen jaǵdaıda, tólem avtomat túrde taǵaıyndalady.
Eske salaıyq, GFSS-dan jumyssyz qalý jaǵdaıynda tólenetin áleýmettik tólem jumystan bosatý sebepterine qaramastan júzege asyrylady jáne ol adamnyń jumys izdeý kezinde qoldaý kórsetýge arnalǵan.
