foto: gov.kz
«Qazaqstan Respýblıkasy QK-niń 134-baby 3-bóligi 1-tarmaǵy boıynsha kámeletke tolmaǵan kúdiktiler Q. A. jáne M.-ge qatysty «kúzetpen ustaý» túrindegi bultartpaý sharasyn sanksııalaý týraly tergeýshiniń ótinishhaty Qyzylorda qalasynyń mamandandyrylǵan tergeý sotyna túsip, sot qaýlylarymen tergeýshiniń ótinishhaty qanaǵattandyrýsyz qaldyrylyp, kámeletke tolmaǵan kúdiktilerge 2 aı merzimge «úı qamaq» túrindegi bultartpaý sharasy tańdala otyryp, QPK-niń 147-babynyń 2- bóliginiń 1,5 tarmaqtary boıynsha shekteýler qoldanylǵan», delingen habarlamada.
Sondaı-aq Qyzylorda oblystyq sotynyń qylmystyq ister jónindegi sot alqasy sot aktilerine jábirlenýshiniń ókilinen kelip túsken shaǵymdardy qarap, kúdiktilerdiń jasaǵan áreketteriniń aýyrlyq dárejesin, kúdiktilerdi sot isin júrgizýge kedergi jasaıdy nemese tergeýden jáne sottan jasyrynady dep paıymdaýǵa jetkilikti negizder bolǵanyn eskere otyryp, shaǵymdy qanaǵattandyryp, tergeý sotynyń qaýlylaryn ózgertip, kúdiktilerge 2 aı merzimge «kúzetpen ustaý» túrindegi bultartpaý sharasyn qoldaný týraly qaýly shyǵardy.
Aıta keteıik, buǵan deıin jelide Qyzylordada 16 jastaǵy qyzdy jezókshelikpen aınalysýǵa májbúrlegen degen aqparat taraǵan bolatyn.
IIM atalǵan derek boıynsha qylmystyq is tirkelip, kámeletke tolmaǵan kúdiktiler ýaqytsha ustaý ızolıatoryna qamalǵanyn málimdegen edi. Tergeý sotymen kúdiktilerge qatysty úıqamaq bultartpaý sharasy qoldanylǵan.
