Foto: Úkimet
Memleket basshysynyń tapsyrmasy boıynsha Úkimet bıylǵy kóktemgi egis jáne egin jınaý jumystaryn júrgizýge 580 mlrd teńge kóleminde rekordtyq qarajat bólgen. Aýyl sharýashylyǵy tehnıkasyn lızıngke satyp alýǵa baǵyttalǵan soma 5 esege ulǵaıtylǵan. Memleket tarapynan kórsetiletin qoldaý sharalaryn keńeıtý sharýalarǵa egis naýqanyn sátti ótkizýge múmkindik berdi.
Aýyl sharýashylyǵy mınıstrliginiń málimetinshe, Qazaqstanda jappaı egin jınaý jumystary tamyzdyń úshinshi onkúndiginde bastalady. Búgingi tańda aýyl sharýashylyǵy tehnıkasynyń daıyndyǵy 98%-dy quraıdy. Barlyǵy 149 myńnan astam traktor, 38 myń astyq jınaıtyn kombaın jáne 14 myń destelegish tartylatyn bolady.
Úkimet basshysy vıse-premer Serik Jumanǵarınniń basshylyǵymen tıisti mınıstrlikter, ákimdikter men sharýalar arasyndaǵy jumysty úılestirý men baqylaý úshin egin jınaý naýqanyn ótkizý jónindegi jedel shtab qurýdy tapsyrǵan.
«Egindi sapaly jınap alý jáne saqtaý elimiz úshin erekshe mańyzǵa ıe. Týyndaıtyn barlyq máseleni kúndelikti pysyqtaý qajet. Bul tek mınıstrlikterge ǵana emes, ákimdikter men fermerlerdiń ózderine de qatysty. Aýyl sharýashylyǵy mınıstrligine oblystardyń ákimdikterimen birlesip, egin jınaý jumystaryn erekshe baqylaýda ustaýdy tapsyramyn. Dándi daqyldardy saqtaýdyń tıisti jaǵdaıyn qamtamasyz etý de mańyzdy», dedi Oljas Bektenov.
Sonymen qatar, sharýalarǵa kúzgi dala jumystaryn júrgizýge 64 myń tonnadan astam jeńildigi bar dızel otyny jóneltilgen. Bekitilgen kestege sáıkes, óńirlerge barlyǵy naryq baǵasynan tómen deńgeıde tirkelgen baǵa boıynsha shamamen 355 myń tonna jetkiziledi. Dızel otynyn jetkizýdi baqylaý jáne ashyqtyǵyn qamtamasyz etý boıynsha sharalar qabyldanǵan.
Oljas Bektenov máseleni turaqty baqylaýda ustaýdy mindettedi, qajettilik týyndaǵan jaǵdaıda – sharýalarǵa astyqty keptirýge dızel otynynyń qosymsha kólemi bólinetini atap ótildi.
Jalpy respýblıkada astyq saqtaýdyń jalpy syıymdylyǵy 30 mln tonnany quraıdy, bul boljanyp otyrǵan egin kólemin saqtaýǵa jetkilikti. Sonymen qatar jekelegen astyq qoımalarynyń júktemesi áli kúnge joǵary bolyp otyr.
Premer-mınıstr elevatorlardy ótken jylǵy egin qaldyqtarynan 10 qyrkúıekke deıin bosatýdy tapsyrǵan. Oblystardyń ákimdikteri Básekelestikti qorǵaý jáne damytý agenttigimen birlesip, elevatorlar qyzmeti baǵasynyń negizsiz ósýine jol bermeýi tıis.
О́ndirilgen AО́K ónimderin, onyń ishinde negizgi eksport naryqtarynda ótkizýdi qamtamasyz etýdiń mańyzy atap ótildi. Saýda jáne ıntegrasııa mınıstrligi Qytaı, Taıaý Shyǵys, Afrıka jáne basqa da elderdegi seriktestermen osy baǵyttaǵy jumysty jandandyrýy kerek ekeni de ataldy.
