Foto:ortcom.kz
Monıtorıng barysynda anyqtalǵandaı elimizdiń barlyq mektepterinde aǵymdaǵy jóndeý jumystary aıaqtalyp, kúrdeli jóndeý jumystary 280 oqý ornynda jalǵasady. Sondaı-aq robottehnıka, hımııa, bıologııa, fızıka jáne STEAM-baǵyttarǵa arnalǵan 1383 pándik kabınet satyp alý boıynsha jumystar belsendi júrip jatyr.
Búgingi tańda bilim berý uıymdarynyń oqýlyqtarmen qamtamasyz etilýi 90%-dy quraıdy. Bilim basqarmalarynyń basshylaryna mektepterdi oqýlyqtarmen qamtamasyz etý boıynsha jumysty jedeldetý jáne oqýlyqtardy oqýshylarǵa taratýdy 25 tamyzǵa deıin uıymdastyrý usynyldy.
«Biz mektepterdiń jaǵdaıyn jáne jańa oqý jylyna daıyndyǵyn muqııat taldadyq. Bizdiń maqsatymyz – 3,9 mıllıon oqýshyǵa qaýipsiz jáne jaıly jaǵdaı jasaý. Jańa oqý jylyn tabysty bastaý úshin jergilikti atqarýshy organdarmen tyǵyz yntymaqtastyqta jumys isteýdi jalǵastyramyz», dep atap ótti Oqý-aǵartý mınıstrliginiń Bilim salasynda sapany qamtamasyz etý Komıtetiniń tóraǵasy Ernur Daýenov.
Aıta keteıik, 2024 jyldyń 1 qyrkúıeginen bastap elimizdiń 7,9 myń bilim berý uıymynda 3,9 mln bala bilim alatyn bolady. Osyǵan baılanysty mınıstrlik óńirlerdiń ákimdikterine mektepterdi iske qosý merzimderiniń buzylýyna jol bermeý úshin barlyq qajetti sharalardy qabyldaýdy usyndy.
