Foto: smi24.kz
Qaırat Sátjanov bokstan Qazaqstan erler quramasyna bas bapker bolyp taǵaıyndaldy.
Qaırat Tursunqanuly Sátjanov - 54 jasta, Qazaqstan Respýblıkasynyń bokstan eńbek sińirgen jattyqtyrýshysy, Qazaqstan Respýblıkasynyń dene shynyqtyrý jáne sport úzdigi. Bapkerlik eńbek ótili - 34 jyl. 2021-2022 jyldary Qazaqstan ulttyq quramasynyń bas bapkeri qyzmetin atqarǵan. 2024 jyldan Qazaqstan jastar quramasynyń aǵa bapkeri boldy.
Jańa bas bapkerdiń jetekshiligimen 2021 jyly Qazaqstan quramasy álem chempıonatynda (Serbııa) II komandalyq oryn (2 altyn, 2 kúmis, 1 qola medal) aldy.
2022 jyly Azııa chempıonatynda (Iordanııa) II komandalyq oryn (3 altyn, 6 kúmis, 3 qola) enshilegen.
2024 jyly Astanada ótken jastar arasyndaǵy Azııa chempıonatynda Qazaqstan komandasy I komandalyq oryn (5 altyn, 1 kúmis, 3 qola) aldy.
Qaırat Satjanov jattyqtyrýshy retinde 7 álem chempıonyn, 43 Azııa chempıonyn daıyndaǵan.
«Qazirgi ýaqytta jańa jattyqtyrýshylar quramy qurylyp jatyr, onyń ishinde: sheteldik jattyqtyrýshy maman, jalpy dene daıarlyǵy boıynsha jattyqtyrýshy, sondaı-aq ǵylymı top mamandary shaqyrylady. Sonymen qatar bas jattyqtyrýshynyń jeke shákirti bolmaıdy degen talap engizildi», delingen boks federasııasy taratqan habarlamada.
