Qor málimetinshe, áıel ǵımarattaǵy 14-15 qabattardy jınap, tazalyqshy bolyp jumys istep júrgen. Saǵat 17:00-de turǵyn úı kesheninde polısııa men jedel járdem keldi.
- Bizdiń Almatydaǵy turǵyn úı kesheninde tazalyqshy áıeldi kúıeýi uryp óltirdi. Bul sumdyq. Bizdiń elde áıelin uryp-soǵyp óltirý sánge aınalǵan sııaqty. Qylmyskerdi qolǵa túsirgen sekildi. Áıeldiń bir qyzy bar, jasy 45-te edi. Men ony kúnde kóretinmin, sondaı uqypty edi. Eki úıdegi 14-15 qabatqa deıin tap-taza etip, jınap shyǵatyn, – dep jazdy turǵyndardyń biri.
Almaty polısııa departamenti qaıǵyly oqıǵany rastap, is qozǵalǵanyn málimdedi.
- Almaty polısııa departamenti bul fakti boıynsha qylmystyq is qozǵalǵanyn habarlady. Kúdikti "izin sýytpaı" ustalyp, ýaqytsha ustaý ızolıatoryna jetkizildi. Sot-medısınalyq saraptama taǵaıyndaldy, – dedi polısııa departamenti.
