Foto: baq.kz
Bıylǵy kóktemdegi sý tasqyny sharýalardy úlken ábigerge saldy. Eldi mekenderdi sý basý qaýpinen saqtaý úshin Atyraýdan Jaıyq ózeniniń qos jaǵalaýymen qatynaıtyn joldy birneshe tusynan jarýǵa týra keldi. Jaıyqtyń erneýinen asyp, jazyqqa jaıylǵan sý sharýalardyń egin alqabyn basty.
Osynyń bári aýdan turǵyndaryn, ásirese sharýalardy alańdatady. Kókónis, baqsha daqyldaryn egetin sharýalardyń kásibin órkendetý úshin bankten nesıe alǵan. Osyǵan baılanysty Májilis depýtaty kóktemgi sý tasqynynan zardap shekken turǵyndardy tolǵandyryp otyrǵan máselelerge nazar aýdardy. Sý tasqynynan keıingi qalpyna keltirý jumystaryna barynsha kómek kórsetiletinin atap ótti.
Qazir Mahambet aýdanyndaǵy orman jáne janýarlar dúnıesin qorǵaý mekemesinde «Aýyl» partııasynyń 29 múshesi bar. Olar ujymda partııanyń bastaýysh uıymyn qurypty. Májilis depýtaty Anas Baqqojaev bastaýysh uıymnyń jınalysyna qatysty.
«Prezıdenttiń bastamasymen orman sharýashylyǵy qyzmetkerleriniń jalaqysy ósti. Basqa da máselelerdi sheshýge qarjy qarastyryldy. Orman qoryn tolyqtyryp, qorǵaıtyn ormanshylardyń jumysy óz deńgeıinde baǵalana bastady. Qazir bul sala barlyq qajetti tehnıkamen, órt sóndirý deposymen qamtamasyz etildi. Endi ormanshylardan sapaly jumys kútemiz», dedi depýtat.
Atyraý oblysy
