Qazir tórtinshi revolıýsııa taıap qaldy. Áýelde temirjol syndy qozǵaltqyshtardyń jasalýy adamzat ómirin kúrt ózgertti. Keıin avtomattandyrý dál sondaı jańalyq boldy. Úshinshi revolıýsııa – ınternettiń paıda bolýy. Al tórtinshisi osy mashınalyq oqytý, jasandy ıntellektiniń ómirimizge dendep enýi. Áýelde adamdar ushaqqa otyrýǵa qorqatyn. Biraq qazir qalypty ǵoı. Sol sekildi biz jasandy zerdeni jatyrqamaýymyz kerek.
Qazirgi tańda aqparatqa qoljetimdilik jaǵynan, zamanaýı quraldan eshqandaı másele joq. Bastysy, biz sol qurylǵylardy, qoldaǵy bar múmkindikti durys qoldana bilýimiz kerek. Negizi sıfrlandyrý buryn da óz qarqynymen kele jatqan edi. Biraq pandemııa bul úderisti odan ári tezdetti. Jalpy, bilim salasy bir orynda turmaýy kerek. Jaqynda elimizdiń ár óńirinde Tamyz keńesi ótti. Sol kezde jasandy ıntellektiniń ıgiligin kóretindeı birneshe joba tanystyryldy. Buıyrsa, eki-úsh jyldyń ishinde tájirıbege enedi dep oılaımyn. Bizdiń kolledjde byltyrdan beri jasandy ıntellekt taqyryby jıi aıtylyp kele jatyr. Bıyldan bastap qanatqaqty jobalardy jasap kóremiz. Egerde jaqsy nátıje berse, basqa da bilim oshaqtaryna usyna bastaımyz.
Álısher JÚNISOV,
Jambyl ınnovasııalyq joǵary kolledjiniń muǵalimi
