Qaraǵandy oblysynda turǵyndar kenshiler kúnin atap ótip jatyr. Is-sharalar birneshe taý-ken qalasynda ótti.
Turǵyndar sany mıllıonǵa jaqyndaǵan Qaraǵandyda senbi kúni keshke jergilikti estrada juldyzdarynyń ǵana emes, qazaqstandyq jáne reseılik juldyzdardyń qatysýymen merekelik konsert ótti.
Qalanyń ortalyq alańyna 50 myń kórermen jınaldy. Qoǵamdyq tártipti saqtaýǵa 500-den astam polısııa qyzmetkeri atsalysty.
Konsert barysynda 35 bala eresekterdiń qaraýynsyz qalyp, adasyp ketken. Polıseıler kómekke kelip, barlyq bala ata-analaryna qaıtaryldy.
Qaraǵandy oblysynyń polısııa departamentiniń habarlaýynsha, mundaı aýqymdy is-sharany ótkizý kezinde birde-bir quqyq buzýshylyqqa jol berilmegen.
