Foto: syrboyi.kz
Qadaǵalaý organy basqa óńirlerge turaqty turý úshin qonys aýdarǵan, eńbek qatynastary toqtatylǵan, baspanasyn jekeshelendirip alǵan júzden astam azamattyń páter alý kezeginde áli de bar ekenin anyqtaǵan.
«Sonymen qatar muqtaj azamattardyń tiziminde qaıtys bolǵan 11 azamat kezekte turǵan. Taldaý nátıjesimen kommýnaldyq turǵyn úı qorynan turǵyn úıge muqtaj azamattardyń kezektegi tizimderin túgendeý jumystary jergilikti atqarýshy organdar tarapynan durys júrgizilmegeni anyqtaldy. Atalǵan faktiler boıynsha prokýrorlyq qadaǵalaý aktisi engizilip, zań buzýshylyqtar joıyldy», delingen habarlamada.
Anyqtalǵandaı, Aqtóbe oblysynda 36 myńnan astam adam kezekte tur, onyń ishinde kópbalaly otbasylar, jetim balalar men halyqtyń áleýmettik osal toptaryna jatatyn turǵyndar bar.
