Keńesshi retinde Ádilet departamentiniń mamandary, advokattar, notarıýstar, zańgerler, sarapshylar shaqyryldy. Olar arnaıy usynys aıtyp, turǵyndar kásibı kómek aldy.
– ÚEU men elorda azamattaryna Ashyq esik kúnin birinshi ret uıymdastyryp otyrmyz. Jalpy, barlyq óńirde bir mezgilde quqyqtyq máseleler boıynsha Ashyq esik kúni ótip jatyr. Notarıýstar, advokattar keńesteriniń aqysyn tóleýge báriniń qaltasy kótere bermeıdi. Ásirese otbasy dúnıesin bólý nemese biriktirý, mura, járdemaqy tóleý, shottardy buǵattaý sııaqty jáne basqa da mańyzdy máseleler boıynsha júginedi. Sondyqtan bul is-shara turǵyndarǵa óz quqyqtary týraly kóbirek bilýge kómektesedi. Quqyqtyq saýatsyzdyq azamattyq belsendilikti tómendetedi. Adamdar óz quqyqtaryn biletin bolsa, olar óz qalasyna, aýdanyna, aýylyna bir nárse jasaýǵa múmkindigi bolady, – dedi Astana qalasy ÚEU alıansynyń prezıdenti Mahabbat Espenova.
Is-shara «Adal azamat – belsendi qoǵam» azamattyq qoǵamdy damytý ulttyq ortalyǵynyń qyzmetin uıymdastyrý» jobasy aıasynda ótti.
– Bul alań azamattarǵa kómek kórsetýge berilgen. Adamdar keri baılanys, paıdaly aqparat jáne kómek alady. Mundaı Ashyq esik kúnderin mamandarǵa óz betinshe júginýge múmkindigi joq turǵyndar úshin ótkizý asa mańyzdy, – deıdi Astana qalasy Advokattar alqasynyń múshesi Arnur Chegıbaev.
Uıymdastyrýshylardyń aıtýynsha, Ashyq esik kúnderin turaqty túrde ótkizý josparda bar.
