Foto: Joǵarǵy Sot
Kezdesýge Sot ákimshiliginiń basshysy Naıl Ahmetzakırov pen UKP basqarma tóraǵasynyń orynbasary Erbol Ústemirov te qatysty.
Aslambek Merǵalıev sot júıesinde júrgizilip jatqan reformalarǵa, onyń ishinde kassasııalyq qaıta qaraýdy qaıta formattaý arqyly derbes kassasııalyq sottardy qurýǵa, sýdıalardyń jaýapkershiligin arttyrýǵa yqpal etetin tártiptik is júrgizýdi qozǵaýdyń jańa mehanızmin engizýge nazar aýdardy.
Raıymbek Batalov óz kezeginde ákimshilik ádilet salasyn keńeıtýdi qoldaıtynyn jáne kásipkerlerdi sotqa júginýge májbúrleıtin memlekettik organdar tarapynan bolatyn quqyq buzýshylyqtardy joıý boıynsha júıeli sharalar qabyldaý qajet ekenin atap ótti.
Kezdesýge qatysýshylar eksaýmaqtyq sottylyq ınstıtýtynyń áleýetin damytý jáne qylmystyq proseste sot baqylaýyn kúsheıtý máselelerin de talqylady.
Jeke talqylaý elektrondyq bilezikterdi qoldaný aıasyn keńeıtýge arnaldy. Taraptar kúdiktiler men aıyptalýshylarǵa baqylaý jasaýdyń zamanaýı tásilderin paıdalaný qamaýǵa alynǵandardyń sanyn aıtarlyqtaı azaıtyp, qylmystyq repressııa deńgeıin edáýir tómendetetinin aıtty.
Kezdesý qorytyndysynda taraptar bıznestiń quqyqtary men zańdy múddelerin sot arqyly qorǵaýdy kúsheıtý salasynda odan ári yntymaqtastyq ornatýǵa ýaǵdalasty.
