Músin avtory – Qashar kentiniń turǵyny, ken baıytý salasynda jumys isteıtin qolóner sheberi Búrkit Kerimbaev.
«Arǵy atalarym zerger, usta kisiler bolǵan. Qanda bar qabilet bolsa kerek, arnaıy kásibı bilim alǵan adam emespin. О́zbekstannan qonys aýdarǵan jyldary Tarazdyń mańyndaǵy Qarataý degen shaǵyn qalashyqta 7 jyl turdym. Turaqty jumysym bolmaǵan soń, asyq, kıiz úı, sandyq, úki, aıý keıpindegi neshe túrli tıyn-teben jınaǵysh kádesyılar jasap sattym. Taza bylǵarydan ámııan, basqa da buıymdar jasaımyn. Bylǵary buıymdardyń syrtyna oıyp sýret salyp, bezendiremin. Tapsyrys boıynsha qamshy óremin. Al jastaıymnan mashyqtanǵan negizgi kásibim – túıekesh», deıdi qolóner sheberi.
Qashar turǵyndary usta dep atap ketken Búrkit aǵamyz Alash kóseminiń músinin qalyptaýǵa týra bir aı ýaqyt jumsapty. Músin gıpsten jasalǵan.
Qostanaıdaǵy Álıhan Bókeıhan atyndaǵy mektep dırektory Janar Asanqyzynyń aıtýynsha, bıýstiń astyńǵy tuǵyry Ashat Ybyraev esimdi jıhaz sheberiniń qolynan shyqqan. Músinniń ashylý saltanatyna halyq kóp jınalyp, sońy Álıhan Bókeıhannyń qaıratkerligi men asyl murasyna arnalǵan ǵylymı konferensııaǵa ulasqan.
«Ashat degen sheber ári kásipker jigit biraz jıhaz jasap, mektepke syıǵa tartqan. Soǵan habarlasyp, «Músinniń astyna aǵashtan ádemilep tuǵyr jasap bere alasyń ba? Quny qansha bolady?» dep edik. Ol «Álıhandaı arystyń músinin ornatamyn deseńiz, tegin jasap beremin», dep qýantyp tastady. Aldaǵy ýaqytta Alash kóseminiń atyndaǵy mektep mýzeıin ashqymyz keledi», deıdi Janar Asanqyzy.
Qostanaı oblysy
