Foto:gov.kz
5 qyrkúıekte Respýblıkalyq veterınarııalyq zerthana eki bas IQM synamalarynda sibir jarasynyń bolýyn rastaıtyn bakterıologııalyq zertteýlerdiń nátıjelerin alǵandyǵy týraly habarlady.
Almaty oblysynyń ákimdiginiń málimetinshe, Úlken Aqsý aýylynda tiri mal men mal ónimderin ákelýge jáne eksporttaýǵa tyıym salynǵan.
«Aýmaqtyq veterınarııalyq ınspeksııa JAO veterınarııalyq dárigerlerimen birlesip janýarlardy aýlalyq tekserý, vaksınasııalaý jáne janýarlar ıelerimen túsindirý jumystaryn júrgizedi», dep atap ótti ákimdiktiń baspasóz qyzmeti.
Eldi mekenge dezınfeksııa júrgizý úshin AShM-niń Respýblıkalyq epızootııaǵa qarsy otrıady kóshirilip, qajetti mamandar men arnaıy tehnıka shtaty bar ekendigi belgili boldy.
«Ol jerde Veterınarııalyq baqylaý jáne qadaǵalaý komıteti tóraǵasynyń mindetin atqarýshy Samat Tólegenov júr.Qoldanystaǵy algorıtmge sáıkes barlyq qajetti veterınarııalyq-sanıtarııalyq sharalar ótkiziledi jáne aýyl sharýashylyǵy mınıstrliginiń erekshe baqylaýynda bolady», dep naqtylady qala ákimdiginiń baspasóz qyzmeti.
