Jolaýshy jol aqysyn suraǵan qoǵamdyq kólik júrgizýshisiniń ıyq tusyna pyshaq suǵyp, izin sýytqan. Al jaraqat alǵan azamatqa shuǵyl ota jasaldy.
Qolynda sýyq qarýy bar 33 jastaǵy kúdiktini polıseıler 7 kúnnen beri jer-kókten izdep, áli tappaı jatyr. Tártip saqshylarynyń málimetinshe, ol 2010 jyldan beri oblystyq psıhıkalyq densaýlyq ortalyǵynda tirkeýde turǵan. Biraq ondaǵy mamandar emdelýshiniń jeke bas deregin jarııalaı almaıtyndaryn jetkizdi.
Bir anyǵy, izdeýdegi azamattyń jasyrynǵan mekenjaıyn aıtqan adamǵa ishki ister organdary qyzmetkerleriniń qarjylaı súıinshisi bar. Sondaı-aq ol tabylǵansha turǵyndardy barynsha saq bolýǵa shaqyryp otyr.
- Qazir kúdiktiniń Baızaq aýdanynyń 33 jastaǵy turǵyny ekeni anyqtaldy. Ony izdestirý is-sharalary jalǵasyp jatyr, – dedi Jambyl oblysynyń PD resmı ókili Gúlsara Muhtarqulova.
