Memleket-jekemenshik áriptestigin damytýdyń keleshegi zor

Jahandyq básekelestik jaǵdaıynda kapıtalǵa ınves­tısııany oralymdy  tartý­dyń mán-mańyzy aıryqsha. Bul turǵyda Úkimet janyn­daǵy Investısııalyq shtab­tyń keńeıtilgen ókilettik­teri elimizdiń metall óńdeý, munaı-hımııa, energetıka jáne mashına jasaý sııaqty negizgi salalarǵa ınvestısııa tartýǵa qabiletti ekenin kórsetip, dáleldep keledi.

Degenmen, Q.Toqaev keıbir óńirlik jáne salalyq je­tek­shilerdiń osy baǵyttaǵy bel­sen­dilikteriniń jet­kiliksizdigin, ınvestorlarmen jumys isteý tásilin ózgertýdi talap etetinin de ashyp aıtty. Memlekettik-jekemenshik, áriptestik tetik­teri arqyly halyqaralyq qarjy ınstıtýttaryn tartý da ınvestorlarǵa qolaıly jaǵdaı jasaýda mańyzdy qadam bolmaq. Osy oraıda «Ekonomıkany yryqtandyrý sharalary týraly» Jarlyqqa qol qoıý da neǵurlym erkin jáne básekege qabiletti ekono­mıkalyq orta qurýǵa degen umtylysty kórsetedi.

Saıyp kelgende, bul sharalardyń barlyǵyn júzege asyrý tikeleı sheteldik ınves­tısııalardyń quldyraýyn boldyrmaýǵa jáne elimizdiń turaqty ekonomıkalyq ósýin qamtamasyz etýge baǵyttalǵan. Sonymen qatar Memleket basshysy jahandyq syn-qater­ler men ózgermeli álemdik landshaft jaǵdaıynda elimiz­diń ekonomıkalyq damýy­nyń stra­tegııalyq kózqarasyn aı­qyn bildirdi. Qazirgi halyq­aralyq kúrdeli jaǵdaıda, elder kapıtal tartýda ózara básekege túsken kezeńde tike­leı sheteldik ınvestısııa kóle­min saqtap qana qoımaı, ony ulǵaıtý úshin elimiz básekege qabilettilik jáne ıkemdilik tanytýy kerek.

Atalǵan shtabtyń ókilet­tik­terin nyǵaıtý eldiń ınves­tı­sııa tartýǵa baılanysty jańa múmkindikter men syn-qa­ter­lerge tez arada den qoıýǵa daıyn­dyǵyn baıqatady. Metaldardy tereń óńdeý, munaı, gaz jáne kómir hımııasy, týrızm, energetıka jáne mashına jasaý sekildi salalar – basymdyqtar ǵana emes, sonymen qatar uzaqmerzimdi ósýdegi strategııa. Bul salalar ekonomıkany ártaraptandyrýdy qamtamasyz etýge jáne álem­dik turaqsyz­dyq jaǵdaıynda asa mańyzdy shıki­zat eks­por­tyna táýeldi­likti azaı­týǵa qabiletti. Alaı­da Mem­le­ket basshysy oryn­dy atap ótken­deı, jergi­lik­ti sheneýnik­terdiń barly­ǵy bul baǵytta jetkili­kti belsendilik tanyta bermeı­di. Inves­tı­sııalar aǵynyn qamtamasyz etý, jańa jumys oryndaryn qurý jáne óńirlerdiń áleý­mettik-ekonomıkalyq jaǵ­­daıyn jaqsartý úshin mem­leket­tik basqarýdyń barlyq deńgeıiniń naqty jáne úılesimdi jumysy qajet.

Mańyzdy aspekt sanalatyn memlekettik-jekemenshik áriptestikti (MJÁ) damytý kerek. Elimizdiń mundaı jobalardy júzege asyrýda tabysty tájirıbesi bar ári mehanızmdi keńeıtýge áleýeti zor. Halyqaralyq qarjy ıns­tı­týttaryn tarta otyryp, «kiltke tapsyrylatyn» aýqym­dy jobalardy daıyndaý qo­symsha qarajat tartýmen qatar, ozyq tehnologııalarǵa jáne basqarý tájirıbesine qol­je­tim­dilikti qamtamasyz etedi. Bul óz kezeginde joba­lardyń tıimdiligin jáne olardyń uzaqmerzimdi perspektıvada turaqtylyǵyn arttyrady.

«Ekonomıkany yryqtan­dyrý jónindegi sharalar týraly» Jarlyqqa qol qoıý – ashyq jáne básekege qabi­letti ekonomıkalyq orta qurý jolyndaǵy taǵy bir mańyzdy qadam. Lıbera­lı­zasııa ákim­shilik kedergiler­di azaı­týdy, bıznes jaǵdaıyn jaq­sartýdy jáne ınvestorlardyń qu­qyqtaryn qorǵaýdy kú­sheıtýdi kózdeıdi. Bul halyq­ara­lyq qaýymdastyqqa elimiz­diń ózara tıimdi sharttarda yntymaqtasýǵa daıyn jáne ekonomıkalyq ashyqtyqtyń álemdik standartyn ustanýǵa nıetti ekenin kórsetedi.

Osylaısha, Prezıdent óz Joldaýynda basymdyqtardy belgilep qana qoımaı, jos­parlardy júzege asyrýǵa ke­shendi jáne júıeli kóz­qaras qajettigin atady. Bul ınves­tısııalyq ahýaldy jaqsartýǵa da, MJÁ jobalaryn belsendi ilgeriletýge de qatysty. Qalaı desek te, atalǵan sharalardyń bári turaqty ekonomıkalyq ósim men halyqtyń ál-aýqatyn jaqsartýǵa yqpal etýge tıis.

Mahambet ASABAEV,

«MaxMedGlobal» JShS dırektory