Ozyq tehnologııalar men olardyń ornyqty damýdaǵy mańyzdylyǵyna arnalǵan jıynda Elektrondyq qarjy ortalyǵynyń mamandary memlekettik qarjy júıesin jańǵyrtyp, basqarý júıesiniń tıimdiligin arttyratyn birneshe ónimdi kópshiliktiń nazaryna usyndy. Atap aıtqanda, bıýdjettik josparlaýdy avtomattandyryp, aqparattyq súıemeldeý taqyrybyna basymdyq berilgen. Onyń artyqshylyǵy bıýdjet qarajatyn tıimdi bólýdi arttyryp, sol úderistiń ashyqtyǵyn qamtamasyz etedi. Al biryńǵaı satyp alý platformasy – memlekettik organdardyń, kvazımemlekettik sektor sýbektileriniń, basqa da alańdardyń satyp alý úderisterin biriktirip, qoldanýshylardyń yńǵaılylyǵy úshin monıtorıng pen baqylaýdy qamtamasyz etetin ónim. Sondaı-aq Elektrondy taýarlar kataloginiń tehnıkalyq erekshelikterdi avtomatty túrde qalyptastyryp, burynǵy baǵalardy taldaý men taýar aınalymyn baqylaýǵa múmkindik beretin derekterdi saqtap, basqarýda paıdasy orasan. Taǵy bir joba – onlaın bıýdjettik monıtorıng. Ol kameraldy baqylaýdy júrgizýge, bıýdjet qarajatyn tıimsiz ıgerilý táýekelderiniń aldyn alýǵa jáne qarjylyq buzýshylyqtardy azaıtýǵa múmkindik beredi. Budan bólek, Qarjy mınıstrliginiń biryńǵaı baılanys ortalyǵy – azamattarmen keri baılanysty jaqsartý maqsatynda vedomstvonyń aqparat júıeleriniń kommýnıkasııalyq arnalaryn biriktiretin joba.
Memleket basshysy Qasym-Jomart Toqaev bıylǵy Qazaqstan halqyna Joldaýynda memlekettik qarjy salasyndaǵy sıfrly transformasııany Úkimettiń basym mindetteriniń qataryna qosqan edi. Bul rette Qarjy mınıstrligi salyq baǵyty men kedendik retteýde, bıýdjetti josparlaý men aýdıt isinde sıfrly bastamalardy josparly túrde iske asyryp jatqanyn aıta keteıik.
«Qazir álemdik kóshbasshylardyń qataryna qosylýdy maqsat etseń, ekonomıkanyń barlyq salasyna sıfrly tehnologııalardy keńinen qoldaný qajet. Búginde bizdiń sala memlekettik qarjy júıesiniń sıfrly arhıtektýrasyna oń áser etetin kóptegen bastamany myqtap qolǵa aldy. Munda birneshe jobany usynyp otyrmyz. Atap aıtqanda, Memlekettik josparlaýdyń aqparattyq júıesi, biryńǵaı satyp alý platformasy, «Elektrondyq shot-faktýralar» aqparat júıesi, «Elektrondy taýarlar katalogi» aqparat júıesi, Onlaın bıýdjettik monıtorıng jáne Biryńǵaı baılanys ortalyǵy», dedi «Kazakhstan Tech Solution Day» kórmesinde Qarjy vıse-mınıstri Áset Turysov.
«Elektrondyq qarjy ortalyǵy» AQ basqarma tóraǵasy Dııas Kramsheevtiń aıtýynsha, elimiz qazir sıfrlandyrý salasynda birshama jetistikke jetip, kóshbasshy elderdiń qatarynan kórinip keledi.
«Memlekettik qarjy júıesin sıfrly transformasııalaý osy úderistiń negizgi elementi sanalady. Joǵaryda atalǵan jobalardy engizý memlekettik qarjyny basqarý úderisiniń tıimdiligin nyǵaıtyp, ashyqtyqty qamtamasyz etýmen birge azamattardyń senimin arttyrady», dedi uıym basshysy.
Aıta keteıik, BUU ESKATO-nyń Azııa-Tynyq muhıty konferensııasy sıfrlandyrý men IT salasyna jaýapty mınıstrlerdi, halyqaralyq uıymdardy, jeke sektor men azamattyq qaýymdastyqtyń ókilderin qosa alǵanda, 50-den astam eldiń delegasııasyn biriktiredi. Onyń negizgi maqsaty – ornyqty damý kórsetkishterine qol jetkizý arqyly óńirdegi barlyq elge sıfrly resýrstarǵa teń qoljetimdilikti qamtamasyz etý, sondaı-aq sıfrly tehnologııalar salasyndaǵy yntymaqtastyqty damytý.
