Komıssııanyń kezekti otyrysy

Basqosýda Memleket basshysynyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda aıtylǵan sybaılas jemqorlyqty azaıtýǵa yqpal etetin sharalar talqylandy.

Erlan Qarın jıynda Prezıdenttiń salyq salasyn jappaı sıfrlandyrýǵa jáne sharýalarǵa nesıe berý úshin bankterdi sýbsıdııa­laý tájirıbesin qolǵa alýǵa, salyq rejimderin ońtaılandyrýǵa jáne basqa da bastamalarǵa qatysty Joldaýda aı­tylǵan tapsyrmalaryn tıimdi oryndaý sybaılas jemqorlyqqa qatysty syn-qaterlerdi barynsha tómendetýge múmkindik beretinin aıtty.

Sonymen qa­tar Komıs­sııa otyry­synda Qazaq­stan Respýb­lıka­sy­nyń sybaılas jemqor­lyq­qa qar­sy saıasatynyń 2022–2026 jyl­darǵa arnal­­ǵan tujy­rymdamasyn jú­ze­ge asyrý máselesi qaraldy. Sy­baı­las jemqor­lyqqa qarsy is-qımyl agent­tigi, Oqý-aǵartý, Ǵylym jáne joǵary bilim mınıstr­likteri, «Atameken» ult­tyq kásipker­ler palatasy bas­­shylarynyń esebi tyńdaldy.

Tujyrymdamany is­ke asyrý aıasynda birqa­tar keshendi shara qabyl­dandy. Onyń ishinde negiz­siz baıý úshin jaýapker­sh­i­likti engizý, sybaılas jemqorlyq týraly habarlaıtyn adamdardy qorǵaý tásilderin kúsheıtý, qoǵamdyq keńesterdiń rólin arttyrý jáne basqa da máseleler bar. Parlamentke sybaılas jemqorlyqqa qarsy qosymsha is-sharalar qarastyrýdy kózdeıtin túzetýlerdiń kezekti toptamasy engizildi.

Jıyn sońynda Memle­kettik keńesshi Komıssııa múshelerine birqatar tapsyrma berdi. Erlan Qarın elimizde sybaılas jemqorlyqty azaıtýǵa baǵyttalǵan tetik­terdi jan-jaqty jáne júıeli túrde pysyqtaýdyń mańyzdy ekenin taǵy da atap ótti.