Almaty oblysy ákiminiń orynbasary taǵaıyndaldy

ASTANA. 26 qańtar. Prezıdent ákimshiliginiń kelisimimen jáne Almaty óńiriniń basshysy Amandyq Batalovtyń ókimimen oblys ákiminiń orynbasary qyzmetine Ábdiraıymov Ǵalymjan Raıyluly taǵaıyndaldy. Bul týraly zhetysu-gov.kz habarlady. Ǵ.Ábdiraıymov 1965 jyly týǵan. Bilimi joǵary. Jambyl gıdromelıoratıvtik-qurylys ınstıtýtyn jáne «Turan» ýnıversıtetin bitirgen. Mamandyǵy – qurylys ınjeneri jáne zańger. Eńbek jolyn Jambyl oblysynda «Shyǵys» kolhozynda qurylys ýchaskesiniń masteri bolyp bastady. Ár jyldary sharýa qojalyǵynyń tóraǵasy, sáýlet-qurylys fırmasynyń atqarýshy dırektory, Almaty qalalyq ortalyǵy lısenzııalaý, sáýlet-qala qurylysy qyzmetiniń sarapshysy, bas mamany, bólim bastyǵy, dırektory, Almaty oblysy boıynsha sáýlet-qurylys baqylaý jáne lısenzııalaý aýmaqtyq basqarmasynyń bastyǵy, Astana qalasy boıynsha ındýstrııa, saýda jáne shaǵyn bıznesti qoldaý departamenti dırektorynyń orynbasary, Almaty oblysynyń memlekettik sáýlet-qurylys baqylaý basqarmasynyń bastyǵy, Qurylys jáne turǵyn úı-kommýnaldyq sharýashylyq isteri komıteti memlekettik sáýlet-qurylys baqylaý, qadaǵalaý, lısenzııalaý jáne attestattaý departamentiniń dırektory – Qazaqstan Respýblıkasynyń memlekettik qurylys ınspektory, Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary qyzmetterin atqardy. 2014 jylǵy qyrkúıekten Almaty oblysy ákimi apparatynyń basshysy bolyp qyzmet etip keldi. Joldybaı Bazar. Derek, sýret: zhetysu-gov.kz.