Kezdesýge Sot ákimshiliginiń basshysy Naıl Ahmetzakırov pen Halyqaralyq baılanystar bóliminiń meńgerýshisi Shákir Shaıahmetov qatysty.
Qonaqtar barlyq sottardyń qyzmetin taldaý jáne baqylaý boıynsha Joǵarǵy Sottyń Ahýaldyq ortalyǵynyń jumysymen, sondaı-aq IT-ázirlemelerdiń mýltıplıkatıvti múmkindikterimen, sonyń ishinde, jasandy ıntellekt elementterin paıdalaný jáne aýqymdy derekterdi taldaý týraly jumysymen tanysty.
Olarǵa elektrondy sot otyrysynda sýdıanyń qalaı jumys isteıtini jáne sıfrlandyrýdyń sot ákimshiligi máselelerin qalaı jyldam sheshetini is júzinde kórsetildi.
Sonymen qatar kezdesý barysynda A.Merǵalıev qonaqtardy Qazaqstannyń sot júıesi men sot isin júrgizý, Joǵary Sot Keńesiniń mindetteri, tatýlastyrý rásimderiniń jumysy men ákimshilik ádilet týraly habardar etti. Sondaı-aq sot júıesindegi ózgeristerge, sonyń ishinde kassasııalyq sottardyń qurylýy jáne osyǵan baılanysty Joǵarǵy Sottyń róliniń ózgerýine tolyǵyraq toqtaldy.
О́z kezeginde M.О́zdemır Qazaqstan sottaryndaǵy reformalardy jáne sıfrlandyrýdyń damý deńgeıin joǵary baǵalady. Ol delegasııa múshelerimen birge birqatar suraqtar qoıyp, olarǵa tolyq jaýaptar aldy.
Taraptar sot júıesine arnalǵan bilim berý, oqý úderisin uıymdastyrý, oqytý ádistemesi jáne ǵylymı zertteýler boıynsha ózekti aqparattarmen almasty.
Kezdesý sońynda qatysýshylar yntymaqtastyqty odan ári damytýǵa nıetti ekenderin bildirdi.
