Foto: azattyq-ruhy.kz
Elimizde buǵan deıin bankterge alaıaqtyq jolmen alynǵan nesıelerdi esepten shyǵarý mindettelgen edi.
Endi jańa zań aıasynda nesıelerden erikti túrde bas tartqan azamattar men 2024 jyly 1 000 AEK nemese 3 692 000 teńgeden asatyn nesıe rásimdeýge jubaıynyń kelisimi bolmaǵan tulǵalarǵa berilgen nesıeler de esepten shyǵarylady.
Nesıe qamytynan qutylǵysy kelgen ár adam jańadan nesıe alýdan erikti túrde bas tarta alady. Azamattyń ótinishi qabyldanǵan jaǵdaıda, eshbir bank, onyń ishinde mıkroqarjy uıymy da oǵan jańa nesıe bermeıdi. Eger bank tyıym salynǵan tulǵaǵa nesıe berse, ony tóleýdi talap ete almaıdy. Bank tarapynan qandaı da bir qatelik ketken jaǵdaıda úsh kún ishinde nesıeni esepten shyǵaryp, tutynýshynyń nesıe tarıhyn túzetýi kerek. Osy ýaqyttyń ishinde túzetpese qaryzdy óndire almaıdy.
Biraq nesıeden bas tartqanyna qaramastan nemese erli-zaıyptylardyń ruqsaty bolmasa da, qazaqstandyqtar eski qaryzdaryn qaıta qarjylandyrý úshin nesıe ala alady. Bul syıaqy mólsherlemesin, aı saıynǵy tólemder men ósimpuldardy (aıyppuldardy) azaıtýǵa múmkindik beredi. Qaıta qarjylandyrý sharty qaryz alýshyǵa tıimdi baǵytta jasalady.
