Olar úshin Otbasy bank («Báıterek» holdınginiń enshiles uıymy) jáne Jetisý oblysynyń ákimdigi «Jeruıyq» atty óńirlik turǵyn úı baǵdarlamasyn iske qosady. Bastapqy jarnasy 10%-dan bastap. Zaem boıynsha mólsherleme - jyldyq 5% (JTSM 5,2%-dan 5,7%-ǵa deıin). Qaryzdyń eń joǵarǵy somasy – 15 mln teńgege deıin. Eger turǵyn úı quny osy somadan asyp ketse, onda baǵdarlamaǵa qatysýshy aıyrmasyn óz tarapynan tóleı alady. Kredıt 19 jylǵa deıingi merzimge beriledi.
«Jeruıyq» baǵdarlamasy boıynsha bastapqy jáne qaıtalama naryqta páter nemese jer ýchaskesi bar jeke úı satyp alýǵa bolady.
Baǵdarlamany iske asyrý úshin oblys ákimdigi 1 mlrd teńge bóledi. Jańa joba óńir turǵyndaryna turǵyn úı máselesin sheshýge múmkindik beredi, sondaı-aq bilikti kadrlardy osy jerlerde ustap qalý arqyly ishki kóshi-qonnyń aldyn alady.
О́tinimderdi qabyldaý 2024 jylǵy 10 qyrkúıekten bastap 10 qazandy qosa alǵanǵa deıin jalǵasady. О́tinimder Jetisý oblysynyń turǵyn úı-kommýnaldyq sharýashylyǵynyń aýdandyq bólimshelerinde qabyldanady. Onda qatysýshylardy saralaý júrgiziledi. Tizimge eń kóp upaı jınaǵandar kiredi. Olardyń sanyna otbasylyq jaǵdaı, balalardyń bolýy, oblystyq tirkeýdiń uzaqtyǵy áser etedi. «Jetim balalar jáne ata-anasynyń qamqorlyǵynsyz qalǵan balalar» sanaty boıynsha baǵdarlamaǵa qatysýshylar, sondaı-aq múmkindikteri shekteýli azamattar nemese múmkindigi shekteýli balalardy tárbıelep otyrǵan azamattar qosymsha upaı qosylady.
«Jeruıyq» baǵdarlamasyna ótinim berý úshin kelesi talaptar eskerilýi kerek:
- Sońǵy 5 jyl ishinde baǵdarlamaǵa qatysýshynyń jáne onyń otbasy músheleriniń menshiginde turǵyn úıdiń (onyń ishinde satyp alý quqyǵymen jalǵa beriletin turǵyn úı men úlestiń) bolmaýy. Otbasy múshelerine: jubaıy, zaıyby jáne olardyń kámeletke tolmaǵan balalary jatady;
- Sońǵy jumys ornynda mindetti zeınetaqy jarnalarymen rastalǵan keminde 6 aı jumys ótiliniń bolýy.
- Jetisý oblysynyń aýdandarynda nemese aýyldyq okrýgterinde tirkeýdiń bolýy.
Byltyrǵy jyldan beri Otbasy bank óz qyzmetin aýdandardyń, monoqalalar men aýyldardyń turǵyndaryn turǵyn úımen qamtamasyz etýge baǵyttaı bastady. Memleket basshysy Qasym-Jomart Toqaev óziniń «Ádil Qazaqstannyń ekonomıkalyq baǵyty» atty Qazaqstan halqyna joldaýynda bankke dál osyndaı tapsyrma berdi.
Tapsyrmany oryndaýdyń maqsatynda 2024 jyly Otbasy bankte «Asyl meken» baǵdarlamasyn iske asyrý bastaldy. Onyń aıasynda 120-ǵa jýyq aýyl turǵyny baspana satyp aldy.
Sondaı-aq «Otaý» jáne «Naýryz» baǵdarlamalary aıasynda qoljetimdi talaptarmen aýyldar men aýdan ortalyqtarynyń turǵyndary óz óńirinde turǵyn úı satyp ala alady. Búgingi tańda qos baǵdarlama kómegimen 3 770 otbasy qonys toıyn atap ótti.
Halyqqa óńirlik baǵdarlamalar aıasynda da qoldaý kórsetiledi. Altaı, Rıdder, Shemonaıha, Zaısan monoqalalarynyń turǵyndary úshin turǵyn úı baǵdarlamalaryn iske qosý týraly memorandýmǵa qol qoıyldy. Osy jyly ShQO-da «Shyǵys mamany» baǵdarlamasy ashyldy, Aıagóz turǵyndary «Qozy Kórpesh-Baıan sulý» baǵdarlamasy aıasynda qonys toıyn atap ótti. Temirtaý, Aqsý, Rýdnyı turǵyndarynyń jeńildetilgen sharttarmen baspana alý máselesi de sheshilip jatyr.
